कोपरगाव प्रतिनिधी
सरलाबेट देवस्थानचे महंत प.पू रामगीरी जी महाराज यांच्या मार्गदर्शनाखाली कोपरगाव तालुक्यातील कोकमठाण पंचक्रोशीतील नागरीकांच्या सहकार्याने प.पू गंगागार महाराज यांचा १७५ व्या अखंड हरिनाम सप्ताह कोकमठाण परिसरात होणार असुन या सप्ताहास सर्व प्रकारची मदत केली जाईल असे आश्वासन चांदेकसारे येथील हनुमान मंदिरात सप्ताहाचे निमंत्रण देण्यासाठी आलेल्या कमेटीचे सुधाकर रोहम यांना चांदेकसारे ग्रामस्थांनी दिले आहे.
असेच निमंत्रण जेऊर कुंभारी डाऊच खुर्द, ह्या गावांना दिले जाणार असल्याचे कमिटीच्या वतीने सांगण्यात आले आहे.
यावेळी माजी सरपंच केशवराव होन कर्मवीर शंकरराव काळे साखर कारखान्याचे संचालक आनंदराव चव्हाण सामाजिक कार्यकर्ते रोहिदास होन जोगेश्वरी इंटरनॅशनल स्कूलचे व्यवस्थापक सुनील होन,जयद्रत होन ,अशोक होन ,मोहन पवार ,दादासाहेब होन ,धिरज बोरावके,भाऊसाहेब होन,आदी उपस्थित होते.
कोकमठाण परिसरात गंगागिर महारांचा सप्ताह होणार हे सर्व गावातील नागरिकांसाठी भाग्याची गोष्ट असुन या सप्ताहात दर्शनासाठी लाखो भाविक येणार आहे त्यांची गैरसोय होऊ नये यासाठी चांदेकसारे ग्रामपंचायत,ग्रामस्थ, साईआधार प्रतिष्ठान आशुतोष काळे मित्रमंडळ चांदेकसारे, तन -मन धनाने तसेच पूर्ण क्षमतेने मदत करणार आहे.
१७५ व्या अखंड हरिनाम सप्ताहात सरला बेटचे महंत रामगिरी महाराज यांचे दररोज प्रवचन व कीर्तन होणार आहे दररोज येणाऱ्या भाविकांना आमटी भाकरीची पंगत दिली जाणार आहे तेव्हा चांदेकसारे,पोहेगाव
जेऊर कुंभारी, डाऊच खुर्द डाऊच बुद्रुक ,घारी,पानमळा, या भागातील ग्रामस्थांनी मोठ्या प्रमाणात बाजरीच्या भाकरी दिले जाईल तसेच प्रत्येक गावी टॅक्टर फिरवण्यात येतील तसेच श्रमदान केले जाईल असे आश्वासन चांदेकसारे परीसरातील नागरीकांच्या वतीने देण्यात आले आहे .
