Monday, November 16, 2026
Google search engine
HomeUncategorizedआ. आशुतोष काळेंच्या पाठपुराव्याने ओव्हरलोड रोहित्रांचा प्रश्न सुटणार!!

आ. आशुतोष काळेंच्या पाठपुराव्याने ओव्हरलोड रोहित्रांचा प्रश्न सुटणार!!

जिल्हा नियोजन मधून १.५२ कोटी निधीस प्रशासकीय मान्यता!!

कोपरगाव प्रतिनिधी

कोपरगाव मतदारसंघातील ग्रामीण भागातील वीजपुरवठ्याची समस्या दूर करून शेतकरी आणि नागरिकांना सुरळीत वीज उपलब्ध व्हावी, यासाठी आमदार आशुतोष काळे यांनी केलेल्या सातत्यपूर्ण पाठपुराव्याला यश आले आहे. सर्वसाधारण जिल्हा वार्षिक योजना २०२६-२७ अंतर्गत मतदारसंघातील विविध गावांमध्ये नवीन वीज रोहित्र बसविणे, ओव्हरलोड वीज रोहित्रांची क्षमता वाढविणे, रोहित्रांचे स्थलांतर करणे तसेच आवश्यक ठिकाणी पोल उभारण्याच्या कामांसाठी १ कोटी ५२ लाख रुपयांच्या निधीस जिल्हा नियोजन समितीकडून प्रशासकीय देण्यात आली असल्याची माहिती आ.आशुतोष काळे यांनी दिली आहे.मतदारसंघातील अनेक गावांमध्ये वीज रोहित्रांवर वाढता विद्युतभार असल्यामुळे शेतकरी आणि ग्रामस्थांना कमी दाबाने वीजपुरवठा, वारंवार वीज खंडित होणे अशा समस्यांना सामोरे जावे लागत होते. याबाबत शेतकऱ्यांकडून सातत्याने नवीन रोहित्र बसविण्याची तसेच सध्याच्या रोहित्रांची क्षमता वाढविण्याची मागणी होत होती. या मागण्यांची दखल घेत आ. आशुतोष काळे यांनी शासनस्तरावर पाठपुरावा केला होता. त्यापाठपुराव्याची शासनाने दखल घेवून या कामांना निधी उपलब्ध करून दिला आहे.
या निधीतून सुरेगाव येथील कदम वस्ती डी.पी.व काटवन डी.पी.या ठिकाणी दोन वीज रोहित्र, कोपरगाव शहरातील खडकी येथील गवारे वस्ती डी.पी., अंजनापूर गावठाण डी.पी., कासली येथील गायकवाड वस्ती डी.पी., नाटेगाव येथील बरड डी.पी., खोपडी येथील बाळासाहेब वारकर डी.पी., भोजडे येथील गाढवलोळी डी.पी., कोकमठाण येथील गोरख लोहकणे डी.पी., शहाजापूर येथील धायगुडे डी.पी., डाऊच बु. येथील दहे डी.पी., वाकडी येथील झोटिंग बाबा डी.पी., पुणतांबा येथील चव्हाण वस्ती डी.पी.,सडे येथील पाणीपुरवठा योजना नवीन डी.पी.आणि हिंगणी येथे बढे डी.पी. या ठिकाणच्या ओव्हरलोड रोहित्रांची क्षमता वाढवून अधिक क्षमतेचे रोहित्र बसविण्यात येणार आहेत.तसेच पोहेगाव येथे पिंपळादेवी मंदिर ते वत्सल मॉडेल स्कूल या ठिकाणी नवीन गावठाण डीपी बसविण्यात येवून केबल आणि स्ट्रीट लाईट पोलसह बसविण्यात येणार आहे. ओव्हरलोड वीज रोहित्रामुळे वीज पुरवठ्यात येणाऱ्या अडचणी दूर होणार असल्यामुळे तसेच वीज रोहीत्रासह केबल आणि स्ट्रीट लाईट पोलसह बसविण्याची मागणी पूर्ण होणार असल्यामुळे सुरेगाव, कोपरगाव खडकी, अंजनापूर, कासली, नाटेगाव, खोपडी, भोजडे, कोकमठाण, शहाजापूर, डाऊच बु.वाकडी, पुणतांबा, सडे, हिंगणी आदी गावातील नागरीकांनी आमदार आशुतोष काळे यांचे आभार मानले आहे.जिल्हा नियोजन समितीच्या माध्यमातून मंजूर झालेल्या या निधीमुळे ग्रामीण भागातील वीज वितरण व्यवस्था अधिक सक्षम होण्यास मदत होणार आहे. रोहित्रांची क्षमता वाढल्यामुळे वाढत्या विद्युतभाराचा प्रश्न कमी होऊन शेतकऱ्यांना शेतीपंपांसाठी, तर ग्रामस्थांना घरगुती वापरासाठी अधिक सुरळीत आणि दर्जेदार वीजपुरवठा उपलब्ध होणार आहे. वीज समस्यांमुळे होणारी गैरसोय दूर होण्यास या कामांचा फायदा होणार आहे. शेतकरी आणि ग्रामस्थांच्या मागण्यांना प्राधान्य देऊन या कामांसाठी निधी उपलब्ध करून दिल्याबद्दल आ.आशुतोष काळे यांनी राज्याचे मुख्यमंत्री ना. देवेंद्रजी फडणवीस,उपमुख्यमंत्री श्रीमती ना.सुनेत्राताई पवार,उपमुख्यमंत्री ना.एकनाथजी शिंदे व पालकमंत्री ना.राधाकृष्ण विखे पाटील यांचे आभार मानले आहे.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!