Monday, November 16, 2026
Google search engine
HomeUncategorizedबंधारे भरण्यासाठी निळवंडे कॅनॉलमधून पाणी सोडण्याचा मार्ग मोकळा, मा.आ.स्नेहलताताई कोल्हे यांच्या पाठपुराव्याला...

बंधारे भरण्यासाठी निळवंडे कॅनॉलमधून पाणी सोडण्याचा मार्ग मोकळा, मा.आ.स्नेहलताताई कोल्हे यांच्या पाठपुराव्याला यश!!

कोपरगाव प्रतिनिधी

रांजणगाव देशमुख परिसरातील अंजनापूर, धोंडेवाडी, जवळके आणि बहादराबाद या गावांमधील के.टी. वेअर तसेच माती बंधारे पाण्याने भरता यावेत, यासाठी निळवंडे कालव्याच्या पाणी वितरण व्यवस्थेत आवश्यक बदल करण्याची मागणी माजी आमदार स्नेहलता कोल्हे यांनी केली होती. या संदर्भात आमदार विवेक कोल्हे यांनीही अधिकाऱ्यांशी संपर्क साधला होता. या मागणीच्या अनुषंगाने त्यांनी आज पुन्हा प्रत्यक्ष पाहणी करून संबंधित अधिकाऱ्यांशी चर्चा केली. त्यांच्या सातत्यपूर्ण पाठपुराव्यामुळे सुरू झालेल्या आवर्तनातून रांजणगाव देशमुख येथील वीज वितरण कार्यालयाच्या नजीक असलेल्या व्हॉल्वमधून पाणी सोडण्याचा निर्णय झाल्याची माहिती सहाय्यक अभियंता आसिफ शेख यांनी दिली.रांजणगाव देशमुख परिसरातील बंधारे भरण्यासाठी निळवंडे कॅनॉलवरून पाणी सोडण्याची व्यवस्था करण्याची मागणी स्नेहलताताई कोल्हे यांनी यापूर्वी केली होती. यासंदर्भात त्यांनी कालव्याचे कार्यकारी अभियंता शेख यांच्याशी चर्चा करून अंजनापूर येथील म्हसोबा मंदिराजवळ तसेच जवळके हायस्कूलच्या मागील बाजूस स्वतंत्र व्हॉल्व बसविण्याची सूचना केली होती. एका व्हॉल्वमधून सर्व गावांतील बंधारे भरणे शक्य होणार नसल्याने पाणी वितरणाचे विकेंद्रीकरण करण्याची आवश्यकता त्यांनी अधिकाऱ्यांच्या निदर्शनास आणून दिली होती.या पार्श्वभूमीवर आज स्नेहलता कोल्हे यांनी संबंधित अधिकाऱ्यांसमवेत पुन्हा प्रत्यक्ष पाहणी केली. यावेळी सहाय्यक अभियंता आसिफ शेख यांनी सुरू झालेल्या आवर्तनातून रांजणगाव देशमुख येथील वीज वितरण कार्यालयाजवळील व्हॉल्वमधून पाणी सोडले जाणार असल्याचे स्पष्ट केले. कोल्हे यांनी केलेल्या सूचनेनुसार या ठिकाणाहून पाणी उपलब्ध करून दिले जाणार असल्याने परिसरातील बंधारे भरण्यासाठी मोठी मदत होणार आहे.दरम्यान, जवळके हायस्कूलजवळ आणखी एक व्हॉल्व काढण्याची सूचना स्नेहलता कोल्हे यांनी केली. त्यामुळे जवळकेसह परिसरातील इतर गावांमधील बंधाऱ्यांपर्यंत पाणी पोहोचविणे अधिक सुलभ होणार आहे. अंजनापूर येथील म्हसोबा मंदिराजवळील व्हॉल्वबाबतही त्यांनी पूर्वी केलेल्या मागणीचा पुनरुच्चार केला.सध्या दुष्काळसदृश परिस्थितीमुळे शेतकरी मोठ्या अडचणीत आहेत. पिण्याच्या पाण्याबरोबरच शेती, पशुधन आणि गावांच्या पाणीपुरवठ्याचा प्रश्न गंभीर बनत आहे. अशा परिस्थितीत निळवंडे कालव्याच्या आवर्तनातील पाण्याचा उपयोग प्राधान्याने स्थानिक बंधारे भरण्यासाठी झाला, तर भूजलपातळी वाढण्यास मदत होऊन परिसरातील विहिरी, बोअरवेल तसेच शेतीला दिलासा मिळू शकतो. त्यामुळे उपलब्ध पाण्याचे योग्य नियोजन करून ते जास्तीत जास्त गावांपर्यंत पोहोचविण्यासाठी स्नेहलता कोल्हे यांनी केलेला पाठपुरावा महत्त्वपूर्ण ठरत आहे.पाण्याच्या नियोजनासाठी कोल्हे यांचा सातत्यपूर्ण पाठपुरावा


केवळ पाणी उपलब्ध होणे महत्त्वाचे नाही, तर ते योग्य ठिकाणी पोहोचून बंधारे भरले जाणेही तितकेच आवश्यक आहे. याच भूमिकेतून कोल्हे यांनी निळवंडे कालव्याच्या पाणी वितरण व्यवस्थेत अतिरिक्त व्हॉल्वची मागणी लावून धरली आहे. रांजणगाव देशमुख येथील व्हॉल्वमधून पाणी सोडण्याबाबत सकारात्मक निर्णय झाला असून जवळके हायस्कूलजवळ आणखी व्हॉल्व बसविण्याची सूचना त्यांनी केली आहे.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!