Monday, November 16, 2026
Google search engine
HomeUncategorizedआरपीआयचे प्रदेश सचिव दिपकराव गायकवाड यांना ‘समाजभूषण’ पुरस्कार!!

आरपीआयचे प्रदेश सचिव दिपकराव गायकवाड यांना ‘समाजभूषण’ पुरस्कार!!

जेऊर कुंभारी वार्ताहर

जेऊर कुंभारी येथील रिपब्लिकन पार्टी ऑफ इंडिया (आरपीआय)चे प्रदेश सचिव दिपकराव गायकवाड यांना सामाजिक क्षेत्रातील कार्याची दखल घेत ‘समाजभूषण’ पुरस्काराने सन्मानित करण्यात आले. रविवार, दि. १५ नोव्हेंबर रोजी कोपरगाव येथील साईबाबा तपोभूमी येथे आयोजित कार्यक्रमात हा पुरस्कार प्रदान करण्यात आला.पँथर च्या काळापासून गायकवाड हे आंबेडकरी चळवळीमध्ये कार्यरत आहे. आजवर त्यांनी केलेल्या उल्लेखनीय समाजकार्याबद्दल त्यांना महाराष्ट्र शासनाचा समाजभूषण हा मानाचा पुरस्कारही मिळाला आहे.याशिवाय मंत्रालय वार्ता ,मुंबई तसेच लोककवी वामनदादा कर्डक संस्था नाशिक यांसारख्या सामाजिक संस्थांनीही गायकवाड यांच्या कार्याची दखल घेऊन त्यांना यापूर्वी समाजभूषण पुरस्काराने सन्मानित केलेले आहे.दरम्यान रविवारी १५ नोव्हेंबर रोजी धम्म परिषदेच्या निमित्ताने भारतरत्न डॉ.बाबासाहेब आंबेडकर यांचे नातू दि बुद्धिस्ट सोसायटी ऑफ इंडिया तथा भारतीय बौद्ध महासभेचे राष्ट्रीय कार्याध्यक्ष व समता सैनिक दलाचे राष्ट्रीय अध्यक्ष डॉ. भिमराव यशवंत आंबेडकर कोपरगाव येथे आले असता त्यांच्या हस्ते दिपकराव गायकवाड यांना हा सन्मान प्रदान करण्यात आल्याचे सांगण्यात आले. त्यांच्या या पुरस्कारामुळे जेऊर कुंभारी गावाच्या शिरपेचात मानाचा तुरा रोवला गेला आहे. .
गायकवाड यांना समाजभूषण पुरस्कार मिळाल्याची बातमी समजताच जेऊर कुंभारी परिसरातून त्यांच्यावर अभिनंदनाचा वर्षाव होत आहे. विविध क्षेत्रांतील मान्यवर, मित्रपरिवार आणि ग्रामस्थांकडून त्यांचे कौतुक करून पुढील वाटचालीस शुभेच्छा दिल्या जात आहेत.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!