Monday, November 16, 2026
Google search engine
HomeUncategorized२४ वर्षांनंतर पुन्हा जमले सवंगडी; न्यू इंग्लिश स्कूलमध्ये आठवणींचा जागर!!

२४ वर्षांनंतर पुन्हा जमले सवंगडी; न्यू इंग्लिश स्कूलमध्ये आठवणींचा जागर!!

जेऊर कुंभारी वार्ताहर

येथील न्यू इंग्लिश स्कूलच्या २००३ सालच्या माजी विद्यार्थ्यांचा स्नेहमेळावा तब्बल २४ वर्षांनंतर उत्साहपूर्ण वातावरणात पार पडला. शाळेच्या त्याच प्रांगणात पुन्हा एकत्र येत मित्रांनी जुन्या आठवणींना उजाळा दिला. शालेय जीवनातील गमतीजमती, मित्रांनी एकमेकांना केलेली मदत आणि अनुभवांची देवाणघेवाण यामुळे संपूर्ण वातावरण भावूक व आनंदमय झाले. यावेळी एकमेकांच्या सुख-दुःखांची विचारपूस करत मैत्रीचा ऋणानुबंध अधिक दृढ करण्यात आला.
या स्नेहमेळाव्याच्या अध्यक्षस्थानी शिक्षक व्ही. टी. होन होते. शालेय जीवनात आलेल्या अडचणींच्या काळात मित्रांनी एकमेकांना दिलेला आधार, केलेली मदत आणि शाळेतील अविस्मरणीय प्रसंग माजी विद्यार्थ्यांनी आपल्या मनोगतातून व्यक्त केले. केवळ भेटीगाठींपुरती मैत्री मर्यादित न ठेवता वर्गातील गरजू मित्र आणि त्यांच्या कुटुंबीयांना मदतीचा हात देण्यासाठी ‘एक हात मदतीचा’ हा उपक्रम कायमस्वरूपी सुरू ठेवण्याचा महत्त्वपूर्ण संकल्प यावेळी करण्यात आला.
याप्रसंगी शिक्षक व्ही. टी. होन, देवराम माकोणे, जावळे व धिरडे यांचा माजी विद्यार्थ्यांच्या वतीने सन्मान करण्यात आला.
कार्यक्रमाच्या आयोजनासाठी जोगेश्व जोगेश्वरी
इंटरनॅशनल स्कूल चे सचिव सुनील होन, विश्वनाथ सोळसे, नितीन भोसले, संदीप होन, संदीप सरोदे, आसिफ शेख, गणेश धिरडे, संदीप गोरे, युनूस शेख यांनी विशेष परिश्रम घेतले.
यावेळी सुनील होन, विश्वनाथ सोळसे, संजय गुरसळ, नितीन होन, प्रमोद गुरसळ
युनूस शेख, गोविंद गुरसळ, आसिफ शेख, सतीश होन, किरण खरात, संदीप गोरे, सारिका पुंगळ, कविता ढमाले, मनीषा होन, स्वाती गुरसळ, स्वाती जगताप, विक्रम दहे आदी माजी विद्यार्थी उपस्थित होते.
कार्यक्रमाचे प्रास्ताविक कांबळे यांनी केले. सूत्रसंचालन तन्मय होन यांनी केले, तर आनंद बारसे यांनी आभार मानले.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!