कोपरगाव प्रतिनिधी
कोपरगाव तालुक्यातील जेऊर कुंभारीच्या सरपंच सुवर्णा पवार यांना हुसेन शेख बहुउद्देशीय सामाजिक संस्थेच्या वतीने समाजात उल्लेखनीय कामगिरी केल्याबद्दल समाजरत्न पुरस्कार प्रदान करण्यात आला.
काही व्यक्ति अनेक संकटे संघर्ष वर मात करून आपल्या प्रचंड इच्छा शक्तीच्या जोरावर यश प्राप्त करतात पुढे हेच गुणवंत दुसऱ्यासाठी मार्गदीप ठरतात त्यांच्या याच कर्तृत्वाची दखल घेऊन इतरांना प्रेरणा मिळावी म्हणून नगर जिल्हा हुसेन शेख सामाजिक सेवा संस्थे मार्फत उपस्थित मान्यवरांच्या अध्यक्षतेखाली प्रमुख पाहुण्यांच्या हस्ते समाजात उल्लेखनीय कार्य करणाऱ्या समाज रत्नांचा राज्य व राज्यस्तरीय पुरस्कार सोहळा दि.२२ मे रोजी चोभे कॉलनी नगर अ.नगर येथे आयोजित करण्यात आला
सरपंच सुवर्णा पवार यांनी कोरोना महामारी च्या काळात जेऊर कुंभारी गावात केलेली जनजागृती तसेच एक महिला सरपंच असुनही जेऊर कुंभारी गावात केलेले विकास कामे करून स्त्रियां कोणत्याही क्षेत्रात पुरुषापेक्षा कमी नाही हे त्यांनी दाखवून दिले माजी आमदार स्नेहलता कोल्हे यांचा आदर्श डोळ्यासमोर ठेवून समाजाच्या व गावाच्या विकासासाठी सातत्याने प्रयत्न करणार असुन हा पुरस्कार माझा नसून सर्व महीलांचा असल्याचे सत्काराला उत्तर देताना सांगितले
त्यापुढे म्हणाल्या की औद्योगिक वसाहतीचे अध्यक्ष बिपिन कोल्हे माजी आमदार स्नेहलता ताई कोल्हे अहमदनगर जिल्हा बँकेचे संचालक विवेक कोल्हे यांनी मला सातत्याने पाठींबा दिला तसेच जेऊर कुंभारी गावातील ज्येष्ठांनी मला जे मार्गदर्शन केले त्या जोरावर हा पुरस्कार मिळाला असे हि सरपंच सुवर्णा पवार शेवटी म्हणाल्या.
