कोपरगाव प्रतिनिधी
कोपरगाव तालुक्यातील जेऊर कुंभारी गावात सालाबाद प्रमाणे यंदाची हनुमान जयंती मोठ्या उत्साहात साजरी करण्यात आली. मागील वर्षी कोरोनाच्या काळामध्ये हनुमान जयंती साध्या पद्धतीने साजरी करावी लागत होती पण आता शासनाने काही नियम शिथिल करण्यात आले त्यामुळे यावर्षी प्रत्येक सण उत्सव मोठ्या उत्साहाने साजरी केले जात आहे .
जय बजरंग तरुण मंडळ गेल्या २२ वर्षांपासून जेऊर कुंभारी ते भद्रा मारूती पायी ज्योत घेऊन येत असतात. सायंकाळी ज्योतीची भव्य मिरवणूक काढली जाते.मोठ्या उत्साहात तरूण वर्ग यात सहभागी होत असतात.
तसेच जेऊर कुंभारी भजनी मंडळ हे मारूती मंदिरात भजनाचा कार्यक्रम घेत असतात भजन ऐकण्यासाठी गावातील सर्व नागरीक येत असतात. १६ एप्रिल २०२२ रोजी सकाळी हनुमान जन्मोत्सव पार पडला यावेळी भजनी मंडळ व ग्रामस्थ मोठ्या संख्येने उपस्थित होते.
सकाळी ९ ते १२ या कालावधीत ह.भ.प.मधुकर महाराज गिरी (नानंज) सोलापूर यांचे कीर्तन झाले व महाप्रसादाने कार्यक्रमाची सांगता झाली. यावेळी जय बजरंग तरूण मंडळींचे कार्यकर्ते, भजनी मंडळ व ग्रामस्थ मोठ्या संख्येने उपस्थित होते.
