कोपरगाव प्रतिनिधी
कोपरगाव तालुका पोलिसांनी अवैध वाळू वाहतुकीविरोधात धडक कारवाई करत धारणगाव शिवारात गोदावरी नदीपात्रातून वाळूची चोरी करून वाहतूक करणारा ट्रॅक्टर-ट्रॉली पकडली. या कारवाईत एक ब्रास शासकीय वाळूसह ट्रॅक्टर-ट्रॉली जप्त करण्यात आली असून, पोलिसांना पाहताच चालक वाहन सोडून पसार झाला.
कोपरगाव तालुका पोलीस ठाण्याचे पोलीस निरीक्षक संभाजी गायकवाड हे पोलीस पथकासह रविवारी (दि. ९ ऑगस्ट) पोलीस ठाण्याच्या हद्दीत गस्त घालत असताना गुप्त बातमीदारामार्फत धारणगाव शिवारातील गोदावरी नदीपात्रातून अवैधरीत्या वाळू तस्करी सुरू असल्याची माहिती मिळाली. त्यानुसार पोलीस निरीक्षक गायकवाड यांनी पथकासह धारणगाव शिवारात जाऊन शोधमोहीम सुरू केली.
यावेळी गणेश नाईकवाडे (रा. धारणगाव, ता. कोपरगाव) हा विनानंबरच्या ट्रॅक्टर-ट्रॉलीमध्ये गोदावरी नदीपात्रातून शासकीय वाळू भरून घेऊन जाताना पोलिसांना आढळून आला. पोलिसांची चाहूल लागताच नाईकवाडे याने ट्रॅक्टर-ट्रॉली जागेवरच सोडून काटवनातील पायवाटेने पळ काढला. पोलिसांनी त्याचा पाठलाग केला; मात्र झाडाझुडपांचा फायदा घेत तो पसार झाला.
पोलिसांनी घटनास्थळावरून ट्रॅक्टर-ट्रॉली ताब्यात घेतली. त्यामध्ये सुमारे एक ब्रास शासकीय वाळू आढळून आली. ती जप्त करण्यात आली आहे. याप्रकरणी पोलीस कॉन्स्टेबल राम खारतोडे यांच्या फिर्यादीवरून कोपरगाव तालुका पोलीस ठाण्यात गुन्हा रजिस्टर क्रमांक ३३५/२०२६ अन्वये बीएनएस कलम ३०३(२) तसेच पर्यावरण संरक्षण अधिनियम कलम ३ व १५ प्रमाणे गुन्हा दाखल करण्यात आला आहे.
ही कारवाई पोलीस अधीक्षक मुम्मका सुदर्शन, अपर पोलीस अधीक्षक सोमनाथ वाकचौरे व शिर्डी विभागाचे उपविभागीय पोलीस अधिकारी अमोल भारती यांच्या मार्गदर्शनाखाली पोलीस निरीक्षक संभाजी गायकवाड, पोलीस नाईक कारखेले, पोलीस कॉन्स्टेबल राम खारतोडे, चालक पोलीस कॉन्स्टेबल फाळके व पोलीस कॉन्स्टेबल रशीद शेख यांच्या पथकाने केली. आरोपीचा शोध सुरू आहे.टर-ट्रॉली जप्त; चालक पोलिसांना पाहताच पसार
कोपरगाव (वार्ताहर) : कोपरगाव तालुका पोलिसांनी अवैध वाळू वाहतुकीविरोधात धडक कारवाई करत धारणगाव शिवारात गोदावरी नदीपात्रातून वाळूची चोरी करून वाहतूक करणारा ट्रॅक्टर-ट्रॉली पकडली. या कारवाईत एक ब्रास शासकीय वाळूसह ट्रॅक्टर-ट्रॉली जप्त करण्यात आली असून, पोलिसांना पाहताच चालक वाहन सोडून पसार झाला.
कोपरगाव तालुका पोलीस ठाण्याचे पोलीस निरीक्षक संभाजी गायकवाड हे पोलीस पथकासह रविवारी (दि. ९ ऑगस्ट) पोलीस ठाण्याच्या हद्दीत गस्त घालत असताना गुप्त बातमीदारामार्फत धारणगाव शिवारातील गोदावरी नदीपात्रातून अवैधरीत्या वाळू तस्करी सुरू असल्याची माहिती मिळाली. त्यानुसार पोलीस निरीक्षक गायकवाड यांनी पथकासह धारणगाव शिवारात जाऊन शोधमोहीम सुरू केली.
यावेळी गणेश नाईकवाडे (रा. धारणगाव, ता. कोपरगाव) हा विनानंबरच्या ट्रॅक्टर-ट्रॉलीमध्ये गोदावरी नदीपात्रातून शासकीय वाळू भरून घेऊन जाताना पोलिसांना आढळून आला. पोलिसांची चाहूल लागताच नाईकवाडे याने ट्रॅक्टर-ट्रॉली जागेवरच सोडून काटवनातील पायवाटेने पळ काढला. पोलिसांनी त्याचा पाठलाग केला; मात्र झाडाझुडपांचा फायदा घेत तो पसार झाला.
पोलिसांनी घटनास्थळावरून ट्रॅक्टर-ट्रॉली ताब्यात घेतली. त्यामध्ये सुमारे एक ब्रास शासकीय वाळू आढळून आली. ती जप्त करण्यात आली आहे. याप्रकरणी पोलीस कॉन्स्टेबल राम खारतोडे यांच्या फिर्यादीवरून कोपरगाव तालुका पोलीस ठाण्यात गुन्हा रजिस्टर क्रमांक ३३५/२०२६ अन्वये बीएनएस कलम ३०३(२) तसेच पर्यावरण संरक्षण अधिनियम कलम ३ व १५ प्रमाणे गुन्हा दाखल करण्यात आला आहे.
ही कारवाई पोलीस अधीक्षक मुम्मका सुदर्शन, अपर पोलीस अधीक्षक सोमनाथ वाकचौरे व शिर्डी विभागाचे उपविभागीय पोलीस अधिकारी अमोल भारती यांच्या मार्गदर्शनाखाली पोलीस निरीक्षक संभाजी गायकवाड, पोलीस नाईक कारखेले, पोलीस कॉन्स्टेबल राम खारतोडे, चालक पोलीस कॉन्स्टेबल फाळके व पोलीस कॉन्स्टेबल रशीद शेख यांच्या पथकाने केली. आरोपीचा शोध सुरू आहे.
