जेऊर कुंभारी वार्ताहर
आषाढी एकादशीचे औचित्य साधून हरिभक्त पारायण निलेश महाराज यांच्या मार्गदर्शनाखाली जेऊर कुंभारी ते श्रीक्षेत्र पुणतांबा पायी दिंडी सोहळ्याचे ढोल-ताशांच्या गजरात व ‘विठ्ठल-रुक्मिणी’च्या नामघोषात मोठ्या भक्तिभावाने प्रस्थान झाले. या पायी दिंडीमध्ये सुमारे ५०० वारकरी सहभागी झाले होते.
दक्षिण काशी म्हणून ओळखल्या जाणाऱ्या श्रीक्षेत्र पुणतांबा येथे योगीराज चांगदेव महाराज यांची समाधी असून, आषाढी एकादशीच्या निमित्ताने परिसरातील विविध गावांतून भाविक मोठ्या संख्येने पायी दिंड्यांच्या माध्यमातून पुणतांब्याकडे जातात. पंढरपूरला जाणे शक्य न होणारे अनेक भाविक आषाढी एकादशीच्या दिवशी पुणतांबा येथे चांगदेव महाराजांच्या समाधीचे दर्शन घेऊन भक्तिभाव व्यक्त करतात.
जेऊर कुंभारी येथून निघालेल्या दिंडीतील वारकऱ्यांसाठी आप्पासाहेब शहाजी वक्ते व किरण एकनाथ वक्ते यांनी फराळ व केळीचा प्रसाद दिला. त्यानंतर वारकऱ्यांनी विठ्ठल नामाचा जयघोष करत पुणतांब्याकडे प्रस्थान केले.
गेल्या तीन वर्षांपासून जेऊर कुंभारी गावातून या पायी दिंडीचे आयोजन केले जात असून, दरवर्षी भक्ती मंडळ, भजनी मंडळ, महिला व ग्रामस्थ मोठ्या उत्साहाने सहभागी होत आहेत. यावेळी जेऊर कुंभारी भजनी मंडळाचे कानिफ वक्ते, भानुदास वक्ते, प्रकाश वक्ते, किरण पाटीलबा वक्ते, संजय चव्हाण, माऊली देवकर यांच्यासह अनेक वारकरी व ग्रामस्थ सहभागी झाले.
दिंडी सोहळ्यास संचालक बाळासाहेब वक्ते, संचालक सतिष आव्हाड, आप्पासाहेब शहाजी वक्ते, माजी संचालक मधुकर वक्ते, गौतम बँकेचे संचालक बापुराव वक्ते, शिवाजी यादवराव वक्ते, सोशल मीडिया कोपरगाव तालुकाध्यक्ष महेंद्र वक्ते, कल्याणराव गुरसळ, संजय शांतीलाल वक्ते, प्रा. मधुकर वक्ते,राहुल वक्ते, राणा वक्ते, संतोष जाधव, पांडुरंग वक्ते, सखाराम वक्ते, किरण वक्ते, महेश चव्हाण, कैलास वक्ते, करणा वक्ते, बाळासाहेब पवार, सचिन पवार, इद्रभान वक्ते, रामभाऊ वक्ते, नाना मोहिते, गणेश अंबिलवादे, ओम वक्ते, आदित्य वक्ते, बलवीर गरूड यांच्यासह ग्रामस्थ व महिला मोठ्या संख्येने उपस्थित होत्या.
