कोपरगाव प्रतिनिधी
जागतिक योग दिनानिमित्त जेऊर कुंभारी येथे उत्साहपूर्ण वातावरणात योग दिन साजरा करण्यात आला. यावेळी ग्रामस्थांनी योगासने व प्राणायाम करून निरोगी जीवनाचा संदेश दिला.
या प्रसंगी उपस्थितांना मार्गदर्शन करताना संचालक बाळासाहेब वक्ते यांनी योगाचे महत्त्व अधोरेखित केले. “निरोगी आणि सुदृढ शरीरासाठी नियमित योगाभ्यास आवश्यक असून, मी स्वतः दररोज पहाटे पाच वाजता योगा करत असतो. योगामुळे शारीरिक आणि मानसिक स्वास्थ्य उत्तम राहण्यास मदत होते. प्रत्येकाने आपल्या दैनंदिन जीवनात योगाचा समावेश करावा,” असे आवाहन त्यांनी केले.
योगामुळे शरीरातील ऊर्जा, एकाग्रता आणि सकारात्मक विचारसरणी वाढीस लागते, तसेच विविध आजारांपासून संरक्षण मिळण्यास मदत होते, असेही त्यांनी यावेळी सांगितले.
या कार्यक्रमास संचालक बाळासाहेब वक्ते, बाजीराव वक्ते, आमिर भोंगळे यांच्यासह ग्रामस्थ उपस्थित होते. उपस्थितांनी विविध योगासने व प्राणायाम करून जागतिक योग दिन उत्साहात साजरा केला. यावेळी आरोग्यदायी जीवनशैलीचा स्वीकार करण्याचा संदेश देण्यात आला.
