जेऊर कुंभारी वार्ताहर
पुणे येथे घेतलेल्या लेखी, मैदानी व
वैद्यकीय सर्व चाचण्यांमध्ये उत्तीर्ण झाल्यामुळे येथील तुषार इंगळे यांचे चिरंजीव कृष्णा इंगळे याची भारतीय सैन्य दलाची अग्नीवीर सैनिकी परीक्षा उत्तीर्ण होऊन त्याची सैनिक म्हणून निवड झाली आहे. या निवडीबद्दल जेऊर कुंभारी परिसरात त्यांचे कौतुक होत आहे.
जेऊर कुंभारी सारख्या ग्रामीण भागातून सर्वसाधारण परिस्थिती असताना कृष्णा याने जिद्द चिकाटी व मेहनतीच्या बळावर पुणे (दिघी) येथे सर्व चाचण्या यशस्वी होऊन अग्नीविर परीक्षा पास होण्याचा मान मिळवला आहे. त्याने आत्मा मालिक अकॅडमी मध्ये भरतीपूर्व प्रशिक्षण घेतले होते या वेळी विश्वात्मक जंगली महाराज आश्रम ट्रस्टचे सरचिटणीस हनुमंतराव भोंगळे साहेब,संदिप वर्पे सर, सुनील खरात, गोपीनाथ इंगळे,
यांनीही कृष्णाचे कौतुक केले
कृष्णा इंगळे यांची निवड झाल्यामुळे त्याच्या वडील तुषार इंगळे आईच मीरा इंगळे चुलता नितीन इंगळे आजोबा एकनाथ इंगळे यांनाआनंद झाला आहे. भारतीय सैन्य दलात निवड झाल्यामुळे त्यांची निवड ही भावी काळातील जेऊर कुंभारी सारख्या ग्रामीण भागातील युवक युवतीसाठी प्रेरणा देणारी व आदर्श निर्माण करणारी ठरणार आहे. कृष्णा इंगळे याच्या निवड झाल्याबद्दल काल २२ डिसेंबर रोजी संजयनगर या ठिकाणी त्यांचा ग्रामस्थांच्या वतीने सत्कार करण्यात आला तसेच भव्य दिव्य मिरवणूक काढण्यात आली होती.
निवड झाल्याबद्दल परिसरात आनंद व्यक्त होत आहे. भविष्यात देश सेवा करण्याची संधी प्राप्त झालेली आहे. त्याबद्दल मी स्वतःला भाग्यवान समजतो. पुढील दोन ते चार दिवसात इंडियन आर्मी मधून दूरध्वनी आल्यानंतर ट्रेनिंगसाठी पुणे येथे जाणार असल्याचे कृष्णा इंगळे याने सांगितले.
