जेऊर कुंभारी वार्ताहर
जिल्हा परिषद प्राथमिक शाळा गिरमेवस्ती शाळेत बाल आनंद मेळावा उत्साहात पार पडला.बाल आनंद मेळाव्यात विद्यार्थ्यांनी अतिशय उत्साहाने वेगवेगळ्या प्रकारची दुकाने मांडली होती. भाजीपाला, वडापाव सेंटर, किराणा दुकान, जनरल स्टोअर्स, खाऊ गल्ली मध्ये विविध खाद्यवस्तूंचे स्टॉल लावण्यात आले होते.
पालकांनी देखील अतिशय उत्साहाने उपस्थिती दाखविली. विद्यार्थ्यांच्या व्यावहारिक ज्ञानाला चालना मिळावी म्हणून सक्रिय सहभाग घेतला. बाल आनंद मेळाव्यात विद्यार्थ्यांचे व्यवहारिक ज्ञान व्यापारातून समृद्ध होते तसेच त्यांचे व्यवहार कौशल्य विकसित होते. या कार्यक्रमासाठी गावातील सर्व प्रतिष्ठित ग्रामस्थ तसेच सर्व पालक वर्ग उपस्थित होते. सर्वांनी विविध प्रकारची खरेदी करून मुलांना प्रोत्साहन दिले.
यावेळी गटशिक्षणाधिकारी शबाना शेख यांचे मार्गदर्शन लाभले. तसेच विस्ताराधिकारी संजीवनी आंबीलवादे व चांदेकसारे केंद्राचे केंद्रप्रमुख रावसाहेब लांडे यांचे देखील मार्गदर्शन मिळाले. शालेय व्यवस्थापन समितीचे अध्यक्ष तसेच सदस्य यांचे देखील मोलाचे सहकार्य मिळत राहते. मेळाव्याचे प्रास्ताविक शिक्षक अनुज ढुमणे यांनी केले. तसेच कार्यक्रमाची माहिती शिक्षिका ज्योती गोर्डे यांनी दिली. मुख्याध्यापिका वंदना पर्वत यांनी आभार मानून कार्यक्रमाची सांगता झाली.
