कोपरगाव प्रतिनिधी
कोपरगाव नगराध्यक्ष निवडणुकीत अत्यंत चुरशीच्या व प्रतिष्ठेच्या लढतीनंतर भारतीय जनता पार्टीचे उमेदवार पराग शिवाजी संधान यांनी राष्ट्रवादी काँग्रेस (अजित पवार गट) चे उमेदवार ओमप्रकाश (काका) कोयटे यांचा ४०९ मतांनी पराभव करत नगराध्यक्षपदावर विजय मिळवला. हा निकाल केवळ नगराध्यक्ष पदापुरता मर्यादित न राहता स्थानिक तसेच राज्यस्तरीय राजकारणावर परिणाम करणारा ठरला आहे. संपूर्ण निवडणूक प्रक्रियेदरम्यान राजकीय समीकरणांमध्ये सतत बदल होत राहिले. मतमोजणीच्या प्रत्येक फेरीत आघाडीचे चित्र बदलत असल्याने निकाल शेवटच्या क्षणापर्यंत अनिश्चित राहिला. काही टप्प्यांवर विजय प्रतिस्पर्ष्याच्या बाजूने झुकत असल्याचे संकेत मिळाले; मात्र निर्णायक क्षणी आवश्यक मते मिळवत पराग संधान यांनी बाजी मारली. या
विजयामागे भाजपची संघटनात्मक ताकद, नगरसेवकांचे पाठबळ तसेच शेवटच्या टप्प्यात साधलेली राजकीय जुळवाजुळव निर्णायक ठरल्याचे राजकीय जाणकारांचे गत आहे. निकाल जाहीर होताच भाजप कार्यकर्त्यांनी फटाके फोडून व जल्लोष करत आनंद व्यक्त केला. या निवडणुकीत भाजप आणि राष्ट्रवादी काँग्रेस यांच्यात प्रतिष्ठेची लढाई पाहायला मिळाली. भाजपकडून देवेंद्र फडणवीस आणि चंद्रशेखर बावनकुळे यांच्या जाहीर सभांमधून विकास, स्थिर प्रशासन आणि केंद्रराज्य समन्वयाचे मुद्दे प्रभावीपणे मांडण्यात आले. याचा शहरी मतदारांबर सकारात्मक परिणाम झाल्याचे दिसून आले. दुसरीकडे राष्ट्रवादी काँग्रेसकडून अजित पवार यांनी प्रचारात थेट सहभाग घेत पारंपरिक मतपेदी स्थानिक मुख्यांवर भर दिला. मात्र प्रचारादरम्यान
आरोपप्रत्यारोप वाढल्याने त्याचा काही प्रमाणात उलटा परिणाम झाल्याची चर्चा आहे. या निवडणुकीत अपक्ष नगरसेवकांची भूमिका, अंतर्गत नाराजी आणि शेवटच्या क्षणी झालेली राजकीय जुळवाजुळव हे घटक निकालासाठी महत्वाचे ठरले. भाजपने एकसंघ मतदानाबर भर दिला, तर राष्ट्रवादीकडे मतविभाजन झाल्याचे चित्र नगराध्यक्षपदाचे उमेदवार व मते
पराग शिवाजी संधान (भाजप) १८,५०३ (विजयी), ओमप्रकाश (काका) कोयटे (राष्ट्रवादी अजित पवार) १८,०९४, राजेंद्र मुरलीधर झावरे (शिवसेना शिंदे) ३.४९६. सपना भरत मोरे (शिवसेना उबाठा) २.१७६, विजय सूर्यभान वहाडणे ३८६, (अपक्ष) ५९१, नोटा नगरसेवक निकाल (एकूण ३० जागा): भाजप १९, राष्ट्रवादी ११ जागांवर विजय.समोर आले. या निकालामुळे स्थानिक स्वराज्य संस्थांमध्ये भाजपची पकड अधिक मजबूत झाल्याचे संकेत मिळाले असून आगामी निवडणुकांच्या दृष्टीने हा बिजय भाजरसाठी मनोबल वाढवणारा ठरला आहे. तर राष्ट्रवादी काँग्रेससाठी आत्मपरीक्षणाची गरज निर्माण झाली आहे. दरम्यान, बिजयी नगराध्यक्ष पराग संधान यांच्यासमोर शहर विकासाच्या अपेक्षा पूर्ण करण्याचे मोठे आव्हान उभे राहिले आहे.
