जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कूल मध्ये राष्ट्रसंत गाडगे महाराज यांच्या पुण्यतिथीच्या कार्यक्रमाचे आयोजन करण्यात आले.या कार्यक्रमाचे अध्यक्ष स्थान अश्विनी होन यांनी स्विकारले तर प्रमुख पाहुण्यांचे स्थान स्वाती वक्ते यांनी स्विकारले.
याप्रसंगी संस्थेचे सचिव सुनिल होन, संचालक सागर होन व प्राचार्या ज्योती खरात यांनी राष्ट्रसंत गाडगेबाबांच्या प्रतिमेचे पुजन करून त्यांना अभिवादन केले. तसेच विद्यार्थ्यांनी शालेय परिसराची स्वच्छता करून स्वच्छतेच्या माध्यमातून गाडगेबाबा यांना विनम्र अभिवादन केले.. संत गाडगे महाराज हे एक महान संत,किर्तनकार, व समाजसुधारक होते त्यांनी अंधश्रद्धा आणि अस्पृश्यता दुर करण्यासाठी किर्तनाच्या माध्यमातून लोकांना जागृत केले व संत गाडगेबाबा ग्रामस्वच्छता अभियानासारख्या कार्यांना प्रेरणा दिली. तसेच स्वाती वक्ते,स्नेहल होन व रेश्मा होन यांनी संत गाडगेबाबा यांच्या जीवनाविषयी व कार्याविषयी आपले मनोगत व्यक्त केले.या कार्यक्रमाचे प्रास्ताविक रुपाली होन यांनी केले तर कवीता लिंभुरे यांनी आभार मानले. या प्रसंगी ,पल्लवी होन,मिनल बोरावके , सायली बोरावके, शितल होन, प्रिती वक्ते इ. शिक्षक व मुक्ता तुवर, रेणूका साळुंके,शिवाजी जाधव,सादिक सय्यद ,भरत पवार, सोमनाथ पवार इ. शिक्षकेत्तर कर्मचाऱी व विदयार्थी उपस्थित होते.
