कोपरगाव प्रतिनिधी
नगरपालिका शाळा क्र.६ कोपरगाव येथील उपक्रमशील शिक्षिका सुनिता इंगळे यांची अगस्त्य इंटरनॅशनल फाऊंडेशन आयोजित जिज्ञासा विज्ञान प्रदर्शन २०२३ स्पर्धेत शिक्षक गटातून राज्यस्तरीय सादरीकरणासाठी निवड झाली आहे.अगस्त्य इंटरनॅशनल फाऊंडेशन (अगस्त्य) ही भारतातील बंगलोर येथे स्थित एक भारतीय एज्युकेशन ट्रस्ट आणि ना-नफा ना- तोटा तत्वावर चालणारी संस्था आहे.ज्याचे ध्येय भारतातील आर्थिकदृष्ट्या वंचित मुले आणि शिक्षकांमध्ये "कुतूहल जागृत करणे, सर्जनशीलता वाढवणे आणि आत्मविश्वास निर्माण करणे" आहे.रामजी राघवन यांच्या नेतृत्वाखालील शास्त्रज्ञ, शिक्षक आणि उद्योजकांच्या संघाने १९९९ मध्ये अगस्त्यची स्थापना केली.या संस्थेने विद्यार्थी व शिक्षक यांसाठी आॕनलाईन माध्यमातून गणित व विज्ञानाच्या संदर्भाने उपयुक्त साहित्य मागवले होते.त्यात शिक्षक गटातून सुनिता इंगळे यांनी अध्यापनात वापरात असलेले शैक्षणिक साहित्य यात सादर केले होते.त्यात त्यांच्या साहित्याची विद्यार्थ्यांसाठी उपयुक्तता बघून संस्थेने त्यांस राज्यस्तरासाठी निवड झाल्याचे अधिकृतपणे जाहीर केले.यात अंतिम निवड झाल्यास जागतिक स्तरावर त्यांना त्यांचे साहित्य मांडण्याची संधी उपलब्ध होणार आहे.सुनिता इंगळे या २०११ पासून सातत्याने विद्यार्थी हित जोपासत टाकाऊतून टिकाऊ शैक्षणिक साहित्य निर्मिती करत आहेत.यात त्यांना तालुकास्तरापासून राज्यस्तरांपर्यंत यश मिळाले आहे. विविध सामाजिक,पर्यावरणातही त्यांचा सातत्याने कृतीशील सहभाग असतो.त्यांच्या या निवडीबद्दल नगरपालिका शिक्षण मंडळाचे प्रशासनाधिकारी श्री.राजेश डामसे ,वरिष्ठ लिपिक आमित पराई,शाळेच्या मुख्याध्यापिका कल्पना निंबाळकर,शिक्षक अरुण पगारे,सविता साळुंके,आरती कोरडकर,सुनिल राहाणे,विलास माळी,प्रशांत शिंदे,माणिक कदम,कैलास साळगट,प्रताप वळवी,तसेच नगरपालिका शिक्षण मंडळातील सर्व मुख्याध्यापक - शिक्षक,खाजगी शाळांचे मुख्याध्यापक,शिक्षक ,पालक,विद्यार्थी,शालेय व्यवस्थापन समिती अध्यक्षा अर्चना वाहुळकर आदींनी कौतुक करून पुढील वाटचालीस शुभेच्छा दिल्या आहेत.
