कोपरगाव प्रतिनिधी
पूर्व राष्ट्रपती, मिसाईल मॅन, शास्त्रज्ञ, लेखक डॉ.ए. पी.जे.अब्दुल कलाम यांची जयंती आपण वाचन प्रेरणा दिन म्हणून साजरी करतो. मुलांपर्यंत ग्रंथालय पोहोचावं आणि त्यांच्यांत वाचनाची आवड निर्माण व्हावी यासाठी नगरपालिका शाळेतील विद्यार्थ्यांना ग्रंथालय भेट हा उपक्रम घेण्यात आला.यात इयत्ता पहिली ते सातवीचे विद्यार्थी सहभागी झाले होते.शनिवारी सकाळी दहा वाजता विद्यार्थ्यांना वाचनालयात नेण्यात आले,ग्रंथालयाचे ग्रंथपाल योगेश कोळगे यांनी मुलांचे स्वागत केले.विद्यार्थ्यांना वाचनालयात बसवून बालगीते व बालगोष्टींची पुस्तके वाचनास दिली.यानंतर वाचनाचे महत्त्व समजावून देऊन विद्यार्थ्यांना वाचनालयाचे सदस्य करुन घेणार असल्याचे सांगितले.यावेळी एम.पी.एस.सी चा अभ्यास करणारे गणेश वैद्य यांनी अभ्यासाचे महत्त्व समजावून सांगितले.यावेळी कल्पना निंबाळकर,सविता साळुंके,सुनिता इंगळे,योगेश कोळगे,कैलास साळगट,प्रमोद येवले यांनी वाचन प्रेरणादिनाचे महत्त्व आपल्या मनोगतातून व्यक्त केले.यावेळी विद्यार्थ्यांना बालकक्ष,कांदबरी,कथा,अध्यात्मिक,पौराणिक,स्पर्धा परीक्षेचा पुस्तक कक्ष दाखवला. विविध प्रकारची पुस्तके पाहून विद्यार्थ्यांना आनंद झाला. शाळेच्या शिक्षिका सुनिता इंगळे यांनी ग्रंथपाल योगेश कोळगे व प्रमोद येवले यांचे आभार मानले व वाचनालयास उत्तम अभिप्रायही दिला.
ग्रंथालय भेटीसाठी शाळेच्या मुख्याध्यापिका कल्पना निंबाळकर,शिक्षिका सविता साळुंके,आरती कोरडकर,सुनीता इंगळे,शिक्षक अरुण पगारे यांचे अनमोल सहकार्य लाभले.
