जेऊर कुंभारी वार्ताहर
शिक्षणमहर्षी स्व. लहानुभाऊ नागरे आण्णा स्थापित रेनबो इंटरनॅशनल स्कूल, जेऊर कुंभारी येथे विद्यार्थ्यांचा पदग्रहण सोहळा कोपरगाव तालुक्याचे पोलीस निरीक्षक मा. प्रदीप देशमुख साहेब यांच्या प्रमुख उपस्थितीत थाटात संपन्न झाला. विद्यार्थी परिषदेची निवडणूक गुप्त मतदान पद्धतीने घेऊन शाळेच्या सर्वांगीण विकासाला मदत करण्यासाठी तसेच विद्यार्थ्यांमध्ये नेतृत्वगुण रुजवण्यासाठी विद्यार्थी प्रतिनिधी निवडण्यात आले. याप्रसंगी कार्यक्रमाचे प्रमुख अतिथी कोपरगाव तालुक्याचे पोलीस निरीक्षक मा. प्रदीप देशमुख साहेब, संस्थेचे सचिव मा. संजय नागरे सर, कार्यकारी संचालक मा. आकाश नागरे सर, शैक्षणिक संचालक मा. नानासाहेब दवंगे सर, उपप्राचार्य मा. निलेश औताडे सर, प्रशासकीय व्यवस्थापक मा. रवींद्र साबळे सर, सर्व शिक्षक शिक्षकेतर कर्मचारी व विद्यार्थी उपस्थित होते.
प्रमुख अतिथी पोलीस निरीक्षक मा. प्रदीप देशमुख साहेब यांचे आगमन होताच विद्यार्थ्यांनी मार्च पास्ट सादर करून अनुशासन आणि शिस्तीचे प्रदर्शन दाखवून दिले. कार्यक्रमाची सुरुवात दीप प्रज्वलनाने आणि शालेय प्रार्थनेने करण्यात आली.
विद्यार्थी परिषद संघातील विद्यार्थ्यांना मा. देशमुख साहेब यांच्या हस्ते बॅचेस व ध्वज देऊन सन्मानित करण्यात आले. यामध्ये शालेय विद्यार्थी प्रतिनिधी पलक ठक्कर या विद्यार्थिनी सह शिवम सातपुते (डेड बॉय), अदिती घुले (हेड गर्ल), पार्थ होनकळस (व्हॉइस हेड बॉय), गार्गी दळवी (व्हाईस हेड गर्ल), धनश्री कदम (अकेडेमिक कॅप्टन), अदिती थोरात (डिसिप्लिन कॅप्टन), प्रज्वल देशपांडे (व्हॉइस डिसिप्लिन कॅप्टन), देवराज देशमुख (स्पोर्ट्स कॅप्टन), यशराज वक्ते (व्हॉइस स्पोर्ट्स कॅप्टन), वंश जैन (कल्चरल कॅप्टन), साईभवानी यादव (व्हॉइस कल्चरल कॅप्टन), जिकरा दारूवाले (रेड रोवर्स कॅप्टन), वैष्णवी गव्हाणे (ग्रीन डेजलर्स कॅप्टन) सार्थक वाघ (ब्लू टायटन कॅप्टन), हर्षदा बडे (यलो थंडर्स कॅप्टन) यांना सन्मानित करण्यात आले.
सर्व नवनियुक्त विद्यार्थी परिषदेच्या सदस्यांना मा. दवंगे सर यांनी आपापली जबाबदारी योग्य व सु व्यवस्थितपणे पार पाडावी, याबद्दल मार्गदर्शन केले. तसेच त्यांना कर्तव्याची जाणीव करून देऊन पद व गोपनीयतेची शपथ दिली. विद्यार्थी प्रतिनिधींनीही आपली मते मांडताना आमच्यावर सोपवलेल्या जबाबदारीची जाणीव ठेवून कर्तव्य योग्य रीतीने पार पाडू असे आश्वासन त्यांनी दिले.
विदयार्थ्यांना मार्गदर्शन करतांना प्रमुख अतिथी मा. देशमुख साहेब आपल्या मनोगतात म्हणाले की, विद्यार्थ्यांनी शालेय जीवनात ज्ञानार्जन करीत प्रगतीच्या शिखराकडे जाताना यशाचे अनेक उंबरठे नेत्रदीपक गुणवत्तेने पार करावेत. परंतु याच सोबत शिस्त, सामाजिक नीतिमूल्य आणि नैतिकता तथा आदर्शांचे वास्तव धडे घ्यावेत. त्यातून सकारात्मक दृष्टिकोणाने आत्मबळ वाढवून उन्नत जीवनाच्या मार्गाने प्रवास करावा. विद्यार्थ्यांनी शारीरिक, मानसिक आणि बौद्धिक विकास होण्यासाठी खेळत राहावे. खेळाच्या माध्यमातून एकाग्रता, संघशक्ती आणि मैत्रीभावना यांसारखे विविध भारतीय मूल्यांचे जतन होते. रेनबो स्कूल बद्दल गौरवोद्गार काढतांना देशमुख साहेब म्हणाले की, खरोखर हिरवाईने नटलेल्या आणि प्रसन्न वातावरणात वसलेल्या या शाळेतील विद्यार्थी भविष्यात नक्कीच उत्तुंग भरारी घेतील. ही केवळ शाळा नसून उपक्रमांची खाण आहे.नुकत्याच, जिल्हास्तरीय बास्केटबॉल स्पर्धेत रेनबो स्कूलच्या मुलींच्या संघाने विजेतेपद पटकावल्याबद्दल मा.देशमुख साहेबांच्या हस्ते खेळाडूंचा व क्रीडा शिक्षकांचा सत्कार करण्यात आला. कार्यक्रमाचे यशस्वी नियोजन समन्वयक स्मिता देशमुख, मोनाली सुराळे व दीपक वक्ते यांसह सर्व शिक्षक व शिक्षकेतर कर्मचाऱ्यांनी केले होते. कार्यक्रमाचे सूत्रसंचालन साक्षी वाणी व हर्षदा शिंदे या विद्यार्थिनींनी केले तर कार्यक्रमाचे आभार उपप्राचार्य निलेश औताडे सर यांनी व्यक्त केले.
संस्थेचे अध्यक्ष मा. कांतीलालजी अग्रवाल शेठ, विश्वस्त मा. मनोजजी अग्रवाल, मा. आनंदजी दगडे व सौ. वनिताताई नागरे आदी पदाधिकाऱ्यांनी शालेय मंत्रिमंडळाच्या सर्व नवनियुक्त विद्यार्थ्यांचे अभिनंदन करून त्यांना पुढील वाटचालीस शुभेच्छा दिल्या.
