कोपरगाव प्रतिनिधी
कोपरगाव तालुक्यातील डाऊच खुर्द येथील जोगेश्वरी इंटरनॅशनल स्कूल मध्ये ७६वा स्वातंत्र्य दिन उत्साहात साजरा करण्यात आला.
यावेळी जिजाई बहूउददेशिय शैक्षणिक संस्थेचे अध्यक्ष भास्करराव होन हे कार्यक्रमाचे अध्यक्ष स्थानी होते. संस्थेचे सचिव सुनिल भास्करराव होन व सौ अश्विनी सुनिल होन हे कार्यक्रमाचे प्रमुख पाहुणे म्हणून उपस्थित होते.
या कार्यक्रम प्रसंगी मागील शैक्षणिक वर्षात झालेल्या विविध स्पर्धा चे बक्षीस वितरण करण्यात आले.तसेच मागील वर्षीच्या क्रीडा स्पर्धातील विजयी संघाना बक्षीस वितरण करण्यात आले. यावेळी विद्यार्थ्यांनी स्वातंत्र्य दिनाच्या शुभेच्छा देत आपल्या मनोगतात आपल्या देशाला स्वातंत्र्य किती अथक परिश्रमाने मिळाले हे सांगितले. तसेच के जी च्या विद्यार्थ्यांनी जय हो, इट हॅपन .. इंडिया, या गीतांवर अतिशय सुंदर नूत्य सादर केले. तसेच लेझिम पथकांने “संदेसे आते है” या गाण्यांवर नृत्य सादर केले. तसेच अहद शेख याने “ओ देश मेरे” हे देशभक्ती गीत सादर केले.
तसेच प्रा सौ ज्योती खरात यांनी आपल्या भाषणात सांगितले की आपल्या देशाला स्वातंत्र्य मिळवून देण्यासाठी खुप क्रांतिकारकांनी देशासाठी बलिदान दिले त्यांना वंदन केले. त्यानंतर मागील वर्षी गुणवंत विद्यार्थ्यांचा मानचिन्ह देऊन शुभेच्छा दिल्या.तसेच इयत्ता पहिली ची विद्यार्थिनी कु गार्गी खरात हिच्या पालकांनी स्वातंत्र्य दिनाच्या निमित्ताने स्कूलला सीलिंग फॅन भेट दिला.
या कार्यक्रमाचे सूत्रसंचालन सौ श्रध्दा पवार यांनी केले. व आभार सौ सविता होन यांनी “हा देश माझा” हे सुंदर सुमधुर आवाजात सादर केले व आभार मानले.
यावेळी प्रा सौ ज्योती खरात, सागर होन, सौ पल्लवी होन, सौ स्वाती वक्ते,सौ सविता होन,सौ श्रध्दा पवार, कु अश्विनी रोहमारे, सौ अंजुम शेख, सौ ताते, सौ तुवर, बाळासाहेब होन वाल्मिक होन शिवाजी जाधव आदी शिक्षक व शिक्षकेत्तर कर्मचारी उपस्थित होते तसेच पालक संघाचे पदाधिकारी व पालक मोठ्या संख्येने उपस्थित होते.
