कोपरगाव प्रतिनिधी
कोपरगाव विधानसभा मतदार संघातील नागरिकांचे आरोग्य अबाधित राहावे यासाठी कोपरगाव शहरात १०० बेडचे उपजिल्हा रुग्णालय व अनेक गावातील नागरिकांना त्यांच्या सोयीनुसार जवळच्याच गावात आरोग्य सुविधा उपलब्ध व्हाव्यात यासाठी प्राथमिक आरोग्य केंद्र उभारण्यात ना. आशुतोष काळे यशस्वी झाले आहेत. कोपरगाव तालुक्याच्या पूर्व भागातील नागरिकांच्या आरोग्याचा प्रश्न कायम स्वरूपी मार्गी लावण्यासाठी करीत असलेल्या त्यांच्या प्रयत्नांना पुन्हा एकदा यश मिळाले असून संवत्सर येथे ३० बेडचे ग्रामीण रुग्णालय व कर्मचारी वसाहतीसाठी महाविकास आघाडी सरकारने २२.७८ कोटी निधी मंजूर केला असल्याची माहिती श्री साईबाबा संस्थानच्या विश्वस्त मंडळाचे अध्यक्ष ना. आशुतोष काळे यांनी दिली आहे
आरोग्याच्या बाबतीत सर्वांनी किती जागृत राहिले पाहिजे हे जीवघेण्या कोरोना महामारीने दाखवून दिले आहे. कोरोनाच्या पहिल्या व दुसऱ्या लाटेत नागरिकांना आरोग्य सुविधा मिळण्यात आलेल्या अडचणी भविष्यात येऊ नये यासाठी आरोग्य व्यवस्था सक्षम करण्यासाठी ना. आशुतोष काळे सातत्याने प्रयत्न करीत आहेत. त्या प्रयत्नांना अपेक्षित यश देखील मिळाले आहे. कोपरगाव ग्रामीण रुग्णालयास महाविकास आघाडी सरकारने उपजिल्हा रुग्णालयाचा दर्जा देवून १०० बेडचे उपजिल्हा रुग्णालय म्हणून मंजुरी देखील दिली आहे. तसेच माहेगाव देशमुख या ठिकाणी देखील प्राथमिक आरोग्य केंद्राचे काम प्रगतिपथावर आहे. पूर्व भागातील नागरिकांना आरोग्य सुविधा जवळच्या गावात उपलब्ध व्हाव्यात या उद्देशातून तिळवणी येथील प्राथमिक आरोग्य केंद्रास मंत्रालय स्तरावरील मान्यता मिळावी यासाठी ना. आशुतोष काळे प्रयत्न करीत आहेत. तालुक्याच्या पूर्व भागातील मोठी लोकसंख्या व विस्ताराने मोठे असलेल्या संवत्सर व लगतच्या पंचक्रोशीतील नागरिकांना आरोग्य सुविधा उपलब्ध व्हाव्यात यासाठी ग्रामीण रुग्णालय गरजेचे होते. त्या प्रयत्नांना यश मिळून या ग्रामीण रुग्णालयासाठी १७.१५ कोटी, कर्मचारी वसाहतीसाठी ५.६३ कोटी असा एकूण २२.७८ कोटी निधीस महाविकास आघाडी सरकारने मंजूरी दिली आहे. त्याबद्दलना. आशुतोष काळे यांनी कोपरगाव विधानसभा मतदार संघातील जनतेच्या वतीने राज्याचे मुख्यमंत्री उद्धव ठाकरे, उपमुख्यमंत्री अजितदादा पवार, आरोग्यमंत्री राजेश टोपे यांचे आभार मानले आहे.
कोपरगाव मतदार संघ आरोग्याच्या बाबतीत लवकरच स्वयंपूर्ण
मतदार संघातील लोकसंख्येचा विचार करता रुग्णांना मिळणारी आरोग्य सुविधा लोकसंख्येच्या प्रमाणात कमी होती. २०१९ च्या विधानसभा निवडणुकीपूर्वी मतदार संघातील नागरिकांना कोपरगावमध्ये सुसज्ज रुग्णालय उभारणार असे ना. आशुतोष काळे यांनी वचन दिले होते.दिलेल्या वचनाची पूर्तता करून कोपरगाव ग्रामीण रुग्णालयास १०० बेडचे उपजिल्हा रुग्णालयास त्यांनीमहाविकास आघाडी सरकारने प्रशासकीय मान्यता मिळवून २८.८४ कोटी निधी देखील आणला आहे. त्याचबरोबर माहेगाव देशमुख येथे सुरु असलेले प्राथमिक आरोग्य केंद्र येत्या काही महिन्यात आरोग्य सेवा देण्यास सज्ज होणार असून तिळवणी येथील प्राथमिक आरोग्य केंद्रास लवकरच मंत्रालय स्तरावरील मान्यता मिळणार आहे. व नुकतेच संवत्सरला ३० बेडचे ग्रामीण रुग्णालय व कर्मचारी वसाहतीसाठी महाविकास आघाडी सरकारने २२.७८ कोटी निधी मंजूर केल्यामुळे कोपरगाव मतदार संघ आरोग्याच्या बाबतीत लवकरच स्वयंपूर्ण होईल-ना.आशुतोष काळे.
