कोपरगाव प्रतिनिधी
कोपरगाव तालुक्यातील गोधेगाव विविध कार्यकारी सेवा सहकारी सोसायटीची निवडणूक नुकतीच बिनविरोध झाली असून काळे गटाचे सहा, कोल्हे गटाचे चार व परजणे गटाच्या दोन जागा बिनविरोध निवडून आल्या असून काळे गटाला चेअरमनपदी संधी मिळणार आहे.
बिनविरोध निवडून आलेले काळे गटाचे उमेदवार पुढील प्रमाणे गणपत जगन्नाथ भोकरे, बापूसाहेब हरिभाऊ पठाडे, सौ.अरूणाबाई भाऊसाहेब भोकरे, भाऊलाल शंकर कन्हेर, बाळासाहेब किसन सोळसे, कारभारी रामचंद्र गायकवाड कोल्हे गटाचे उमेदवार रंजन सारंगधर साळुंखे,रामचंद्र दादा भाटे, पंढरीनाथ बाबुराव पठाडे सौ सरस्वती उत्तम रांधवणे व परजणे गटाचे उत्तम कारभारी माने, भानुदास नामदेव सोळशे हे उमेदवार बिनविरोध निवडून आले आहेत.
गोधेगाव येथील काळे, कोल्हे व परजणे गटाच्या स्थानिक कार्यकर्त्यांनी एकत्र बसून गोधेगाव विविध सेवा सहकारी सोसायटीची निवडणूक बिनविरोध करण्याचा सर्वानुमते निर्णय घेतला. त्या निर्णयाला तीनही गटाच्या कार्यकर्त्यांनी व सोसायटीच्या सभासदांनी पाठिंबा देऊन सोसायटीची निवडणूक पार पडली आहे. काळे गटाला प्रथम अडीच वर्ष चेअरमनपदी संधी देण्याचे एकमत झाले आहे. सर्व पक्षाच्या कार्यकर्त्यांनी गोधेगाव निवडणूक बिनविरोध करून संस्थेचे हित जोपासून गावपातळीवर सहमतीचे राजकीय वातावरण ठेवून एकोपा जपला आहे.
