कोपरगाव प्रतिनिधी
कोपरगाव तालुक्यातील कोकमठाण येथे होणाऱ्या योगीराज सदगुरू श्री गंगागिरीजी महाराजांच्या१७५ व्या अखंड हरीनाम सप्ताहासाठी कर्मवीर शंकरराव काळे सहकारी साखर कारखाना व उद्योग समूहाच्या वतीने सर्वोतोपरी मदत करणार असल्याची ग्वाही श्री साईबाबा संस्थानच्या विश्वस्त मंडळाचे अध्यक्ष ना.आशुतोष काळे यांनी सप्ताह कमिटीच्या सदस्यांना दिली.
मंगळवार दिनांक २ ऑगस्ट ते ९ ऑगस्ट २०२२ या कालावधीत कोपरगाव शिर्डी रोडवर कोकमठाण येथे श्री संत जंगलिदास महाराज आश्रमा शेजारी सरला बेटाचे मठाधिपती महंत गुरुवर्य रामगिरीजी महाराज यांच्या मार्गदर्शनाखाली योगीराज सदगुरू श्री गंगागिरीजी महाराज यांचा १७५ वा अखंड हरिनाम सप्ताह होणार आहे.त्या सप्ताहाचे निमंत्रण नुकतेच सप्ताह कमिटीच्या वतीने ना.आशुतोष काळे यांना कर्मवीर शंकरराव काळे सहकारी साखर कारखाना कार्यस्थळावर त्यांच्या कार्यालयात जावून देण्यात आले.त्यावेळी त्यांनी सप्ताहाच्या तयारीची माहिती उपस्थित सप्ताह कमिटीच्या सदस्यांकडून जाणून घेतली.यावेळी बोलतांना ना.आशुतोष काळे म्हणाले की,माजी खासदार कर्मवीर शंकररावजी काळे साहेब व माजी आमदार अशोकराव काळे यांनी नेहमीच धार्मिक कार्यक्रमासाठी सहकार्य केले आहे. कर्मवीर शंकरराव काळे कारखाना कार्यस्थळावर देखील दरवर्षी अखंड हरिनाम सप्ताहाचे आयोजन केले जात असून आजतागायत ती परंपरा सुरू आहे.काळे परिवाराचा धार्मिक वारसा जोपासतांना योगीराज सदगुरू श्री गंगागिरीजी महाराज यांचा १७५ वा अखंड हरिनाम सप्ताह हा कोपरगाव तालुक्यात होत आहे याचा विशेष आनंद वाटतो.हा सप्ताह कोपरगाव विधानसभा मतदारसंघातील नागरिकांसाठी तसेच शेजारील तालुक्यातील नागरिकांसाठी मोठी धार्मिक पर्वणी आहे त्या निमित्ताने या सोहळ्याला लागणारी सर्वतोपरी मदत माझ्याकडून देईल अशी ग्वाही ना.आशुतोष काळे यांनी सप्ताह कमिटीच्या सदस्यांना दिली.
यावेळी सप्ताह कमिटीचे अध्यक्ष सुधाकर रोहम, उपाध्यक्ष संभाजीराव रक्ताटे, सचिव शरद नाना थोरात, तसेच महेश लोंढे, विजयराव रक्ताटे, विजयराव थोरात, वसंतराव लोंढे, सुभाषराव जाधव, जालिंदर हाडोळे ,नंदू पवार, दीपक रोहम, सुखदेव वाघ, गोकुळ शिंदे आदी उपस्थित होते.
