मेळाव्याचे विशेष आकर्षण सहा फुटी शिसपेन्सिल व विद्यार्थ्यांसाठी राष्ट्रीय मिठाईचे वाटप
कोपरगाव प्रतिनिधी
कोपरगाव तालुक्यातील हॅरिसन ब्रँच शाळेत शाळा पूर्वतयारी मेळावा संपन्न झाला.नवीन शैक्षणिक धोरण अंतर्गत निपुण भारत या कार्यक्रमाची अंमलबजावणी सुरु होत आहे.यामध्ये राज्यात स्टार्स प्रकल्पाची अंमलबजावणी सुरु असून त्याअंतर्गत शाळा पूर्व तयारी अभियान राबवले जात आहे.
या कार्यक्रमाद्वारे सन २०२२-२३ मध्ये इ.१ली मध्ये दाखल होणाऱ्या विद्यार्थ्यांचे कोरोना कालावधीत अंगणवाडी, बालवाडी बंद असल्यामुळे झालेला अध्ययनाची उणीव भरून काढण्यासाठी शिक्षक, पालक व अंगणवाडी सेविका या सर्वांच्या मदतीने शाळा स्तरावर मेळावे आयोजित करून विद्यार्थ्यांच्या अध्ययन क्षमता पाहता येणार आहेत.
या निमित्ताने तालुक्यातील जिल्हा परिषद हॅरिसन ब्रँच शाळेत पहिल्या मेळाव्याचे आयोजन करण्यात आले होते.या मेळाव्याचे उदघाटन पंचायत समिती शिक्षण विभागाच्या गटशिक्षणाधिकारी शबाना शेख यांच्या हस्ते करण्यात आले.
मेळाव्यातील उल्लेखनीय बाबी मध्ये प्रवेशपात्र विद्यार्थ्यांचे झावळ्यांनी सजविलेल्या गाडीतून लेझीमच्या तालावर तसेच अधिकारी, पदाधिकारी व पालकांच्या उपस्थितीत सवाद्य मिरवणूक काढण्यात आली होती.प्रभातफेरी नंतर प्रवेशपात्र विद्यार्थ्यांचे शाळेतील शिक्षिका मनिषा शिंपी व विद्यार्थिनींनी औक्षण करून स्वागत केले. शाळेच्या शिक्षकांनी विद्यार्थ्यांच्या हाताचे ठसे घेऊन शिक्षणाचा श्रीगणेशा होत असल्याचा संकेत सदर उपक्रमातून दिला आहे.मेळाव्यातील सर्व विदयार्थी, पालक व अधिकारी वर्गाचे आकर्षण बिंदू ठरलेल्या सहा फूट उंचीच्या दोन शिसपेन्सिल सर्वांचे लक्ष वेधून घेत होत्या.
कार्यक्रमाची सुरुवात सावित्रीबाई फुले यांच्या प्रतिमा पूजणाने करण्यात आली.कार्यक्रमाचे प्रास्ताविक शाळेचे मुख्याध्यापक नवनाथ सूर्यवंशी यांनी केले.गटशिक्षणाधिकारी शबाना शेख यांनी शाळापूर्व तयारी मेळावा संकल्पना याबद्दल सविस्तर व सखोल मार्गदर्शन केले. तसेच शिक्षण विस्तारअधिकारी दिनकर सोमवंशी,केंद्रप्रमुख विद्या भोईर यांनी पालक व विद्यार्थ्यांना बहुमोल असे मार्गदर्शन केले.मेळाव्याच्या ठिकाणी वेगवेगळ्या प्रकारचे सात स्टॉल मांडण्यात आले होते.त्या विविध स्टॉलवर साहित्याची मांडणी करण्यात आली होती.सर्व अधिकारी व पाहुण्यांच्या उपस्थितीत दाखलपात्र मुलांच्या पालकांसह प्रत्येक स्टॉलला भेट देऊन त्या ठिकाणी मुलांच्या विविध क्षमता तपासण्यात आल्या.व त्या क्षमतांची नोंद विकास कार्डामध्ये करण्यात आली.उन्हाळा सुट्टीत शाळा पूर्व तयारीसाठी दाखलपात्र विद्यार्थ्यांना आयडिया कार्ड, पहिले पाऊल व कृतिपत्रिका संच हे पुस्तक देण्यात आले.अध्यक्षीय भाषणात चांगदेव वक्ते यांनी शाळेचा पूर्व इतिहासाला उजाळा दिला. तसेच हॅरिसन ब्रँच शाळेत शिक्षकांकडून राबविल्या जात असलेल्या नावीन्यपूर्ण उपक्रमांचे कौतुक केले.कार्यक्रमाच्या शेवटी विद्यार्थी व पालकांसाठी शाळेचे मुख्याध्यापक नवनाथ सूर्यवंशी यांनी आपली राष्ट्रीय मिठाई जिलेबीचे वाटप करून विद्यार्थ्यांचे तोंड गोड केले.सदर मेळावा यशस्वी करण्यासाठी शाम पवार,विनीत पावसे,उदय पवार, संदिप पवार, संजय दळवी, आसिफ शेख, सचिन कातकडे,विक्रम शिंदे, पुष्पा पावसे,अंगणवाडी ताई, रंजना दळवी, शैलेश दळवी या सर्वांचे सहकार्य लाभले. सदर प्रसंगी मोठ्या प्रमाणात पालक व ग्रामस्थ उपस्थित होते.उपस्थितांचे आभार मानून कार्यक्रमाचा समारोप नवनाथ सूर्यवंशी यांनी केला.
