कोपरगाव प्रतिनिधी
कोपरगाव तालुक्यातील पढेगाव येथे १७ एप्रिल २०२२ रोजी सिध्दार्थ मित्र मंडळाचे वतीने १३१ वी भीमजयंती मोठ्या उत्साहात साजरी करण्यात आली. सायंकाळी ७:०० वाजता डॉ.बाबासाहेब आंबेडकर यांच्या प्रतिमेची आकर्षक सजवलेल्या रथातून गावामध्ये फटाक्यांच्या आतषबाजीमध्ये मिरवणुक काढण्यात आली. रात्री ८:३० वाजता पढेगाव चे सरपंच श्री. प्रकाश शिंदे, पंचायत समितीचे माजी सदस्य उत्तमराव चरमळ, आर पी आय आठवले प्रणित भीमसाम्राज्य सेनेचे संस्थापक प्रदिप गायकवाड यांचे प्रमुख उपस्थिती मध्ये श्री. दिलीप आण्णा पगारे, मच्छिंद्र पगारे, सुधाकर पगारे, मधुकर पगारे, उत्तम पगारे या ज्येष्ठ कार्यकर्त्यांच्या मार्गदर्शनाखाली सामूहिक त्रिशरण, पंचशील व भीमस्तुती घेऊन महामानव डॉ. बाबासाहेब आंबेडकर यांना अभिवादन करण्यात आले. रात्री ८:४५ वाजता स्नेहभोजनाचा कार्यक्रम झाला त्यानंतर ९:३० वाजता भीमगितांचा प्रबोधनात्मक कार्यक्रम घेऊन कार्यक्रमाची सांगता करण्यात आली. कार्यक्रम यशस्वी करण्यासाठी अनिल पगारे, सचिन पगारे, सोमनाथ पगारे, नारायण पगारे, रवींद्र पगारे, रामचंद्र पगारे, ग्रामपंचायत सदस्य सतिष पगारे यांचेसह सिध्दार्थ मित्र मंडळाच्या सर्व सदस्यांनी परिश्रम घेतले. सदर कार्यक्रमामध्ये पढेगाव मधील शेकडो महीला_पुरुष ग्रामस्थांनी, तसेच भीमसाम्राज्य सेनेच्या कार्यकर्त्यांनी सहभाग नोंदवून आयोजकांच्या उत्कृष्ट नियोजनाचे कौतुक केले. यावेळी कोपरगाव पोलीस स्टेशन चे वतीने श्री भदाने दादा व श्री पाटील दादा यांनी चोख बंदोबस्त ठेवला.
