कोपरगाव प्रतिनिधी
कोपरगाव तालुक्यात जिल्हा परिषद प्राथमिक शाळा शहापूर येथे घटनेचे शिल्पकार डॉ.बाबासाहेब आंबेडकर यांची जयंती मोठ्या उत्साहात साजरी करण्यात आली. गावचे प्रथम नागरिक श्री दीपक भाऊ खंडीझोड व शाळा व्यवस्थापन समितीचे अध्यक्ष श्री.अंकुश घारे ,उपाध्यक्ष श्री.चंदू भाऊ खंडीझोड ,शिक्षणतज्ञ श्री.नितीन पाचोरे ,श्री योगेश खंडीझोड तसेच गणेश खंडीझोड, धनंजय डांगे, प्रवीण घारे, हर्षल खंडीझोड, बाबासाहेब पाचोरे आदी मान्यवर उपस्थित होते. याप्रसंगी विद्यार्थ्यांनी अतिशय उद्बोधक भाषणे केली .त्यामध्ये विशेषकरून अनन्या पाचोरे ने भारावून टाकणारे भाषण केले. बाकी शाळेतील जवळजवळ २० ते २५ विद्यार्थ्यांनी डॉ.बाबासाहेब आंबेडकर यांच्या जीवनावर भाषणे केली. त्यानंतर गावातील श्री प्रविण घारे चंदूभाऊ खंडीझोड यांनीही आपले मत मांडले. तसेच श्री दिघे सर यांनी डॉ. बाबासाहेब आंबेडकरांच्या संपूर्ण चरित्राचा विद्यार्थ्यांना आढावा दिला.श्री .ज्ञानेश्वर सैंदाणे सर यांनी उपस्थित सर्वांचे आभार व्यक्त केले. त्यानंतर श्री मोहिनीराज खंडीझोड यांनी आवर्जून पाठवलेला खाऊ विद्यार्थ्यांना वाटप करण्यात आला तसेच अनेक मान्यवरांनी ही खाऊ विद्यार्थ्यांसाठी आणला होता.
