कोपरगाव प्रतिनिधी
महामानव डॉ. बाबासाहेब आंबेडकर यांच्या १३१ व्या जयंतीनिमित्त हॅरिसन ब्रँच शाळेत डॉ. बाबासाहेब आंबेडकरांच्या प्रतिमेचे पूजन संजय दळवी, नवनाथ सूर्यवंशी व मनिषा शिंपी यांच्या हस्ते करण्यात आले.सर्व विद्यार्थी, पालक व शिक्षकांकडून सामूहिक संविधान म्हणून घेण्यात आले.सदर प्रसंगी विद्यार्थ्यांच्या वक्तृत्व स्पर्धा घेण्यात आल्या. सहभागी सर्व विद्यार्थ्यांना प्रोत्साहन पर वही व पेन बक्षीस म्हणून देण्यात आले.
सदर प्रसंगी बोलताना शाळेचे मुख्याध्यापक नवनाथ सूर्यवंशी यांनी डॉ. बाबासाहेब आंबेडकर यांचे शैक्षणिक, सामाजिक, धार्मिक व राजकीय क्षेत्रातील योगदानाबद्दल सविस्तर माहिती दिली. विद्यार्थ्यांनी कोरोना काळात झालेल्या शैक्षणिक नुकसानाची भरपाई जिद्द, मेहनत व चिकाटीतून भरून काढायची असेल तर, डॉ. बाबासाहेब आंबेडकरांच्या विचार आचरणात आणणे आवश्यक आहे.उपस्थित सर्व विद्यार्थ्यांना खाऊ वाटप करून उपस्थितांचे आभार शाळेच्या सहशिक्षिका मनिषा शिंपी यांनी मानले.
