कोपरगाव/प्रतिनिधी
नव्याने पालिकेची हद्दवाढ होऊन पालिकेत समाविष्ट झालेल्या कर्मवीरनगरमधील पाईपलाईनचा प्रश्न रखडलेला होता. याबाबत सामाजिक कार्यकर्ते निसार शेख सातत्याने पालिकेकडे पाठपुरावा करत होते. अखेर त्यांच्या पाठपुराव्याला यश आले असून कामास सुरुवात झाली आहे.गेल्या अनेक वर्षांपासून पालिकेत हद्दवाढ झालेल्या कर्मवीरनगर भागात पिण्याच्या पाण्याची ८ इंची पाईपलाईन व्हावी अशी नागरिकांची मागणी होती. यामुळे महिला भगिनींची पाणी वाहून आणण्याच्या त्रासातून मुक्तता होणार होती. त्यासाठी सातत्याने पालिकेकडे सातत्याने पाठपुरावा सुरू होता.अखेर या मागणीस यश आले असून नुकतेच नवीन ६ इंची पाईपलाईनचे उद्धघाटन पार पडले. याप्रसंगी माजी नगरसेवक संजय कांबळे, सामाजिक कार्यकर्ते निसार शेख, रवी वाघ आदी नागरिक उपस्थित होते.
या कमाबद्दल महिला भगिनींनी सामाजिक कार्यकर्ते निसार शेख यांचे आभार मानले आहेत.
