कोपरगाव प्रतिनिधी
चालू वर्षी एल निनोचा प्रभाव असल्यामुळे संपूर्ण राज्यात पर्जन्यमान सरासरीपेक्षा कमी झालेले आहे त्याला कारखाना कार्यक्षेत्र पण अपवाद नाही. त्यामुळे त्याचा फटका ऊस पिकांना बसला असून ऊसाची अपेक्षित वाढ झालेली नाही.परंतु दुष्काळाची परिस्थिती पाहता शासनाकडून राज्यातील सर्व साखर कारखान्यांना १५ ऑक्टोबरला गळीत हंगाम सुरु करण्याची परवानगी देण्यात आली आहे. कर्मवीर शंकरराव काळे सहकारी साखर कारखान्याने नेहमीच शासनाच्या सूचनांचे काटेकोरपणे पालन केले आहे त्यामुळे परिस्थिती प्रतिकूल असूनही गळीत हंगाम सुरु करणे अनिवार्य असल्याचे प्रतिपादन आमदार आशुतोष काळे यांनी केले आहे.कर्मवीर शंकरराव काळे सहकारी साखर कारखान्याच्या ७२ व्या गळीत हंगामाचा बॉयलर अग्नीप्रदिपन समारंभ कारखाना व उद्योग समुहाचे मार्गदर्शक माजी आमदार अशोकरावजी काळे यांच्या अध्यक्षतेखाली व कारखान्याचे चेअरमन आमदार आशुतोष काळे यांच्या प्रमुख उपस्थितीत व्हा.चेअरमन दिनार कुदळे व त्यांच्या सुविद्य पत्नी सौ.प्रियाताई कुदळे यांच्या शुभहस्ते विधिवत पूजा करुन पार पडला याप्रसंगी ते बोलत होते.
आमदार आशुतोष काळे पुढे म्हणाले की, चालू वर्षीचा गळीत हंगाम आव्हानात्मक आहे. पाऊस कमी झाला आहे त्यामुळे हिवाळा पण कमी राहील अशी परिस्थिती आहे. त्यामुळे गाळप होणाऱ्या ऊसातून रिकव्हरी पण कमी मिळेल. अशा प्रकारे सर्वच बाजूंनी संकटाने वेढलेला हा गळीत हंगाम आहे. चालूवर्षी पाऊस कमी झाल्यामुळे ऊस लागवड कमी होणार आहे व काही ऊस पिकांचा उपयोग चाऱ्यासाठी केला जाणार आहे. त्यामुळे पुढील २०२७-२८चा हंगाम हा देखील अडचणीचा राहणार आहे. २०२६-२७ चा गळीत हंगाम सुरु करण्याच्या दृष्टीने ऊस तोडणी कामगारांना अॅडव्हान्स वाटप पूर्ण झाले आहे. सर्व तयारी पूर्ण करण्यात झाली असून कारखाना गाळप हंगामासाठी सज्ज झाला आहे. सर्व संकटावर मात करून हा गळीत हंगाम यशस्वी करण्यासाठी सर्वानी प्रयत्न करावे असे आवाहन केले.याप्रसंगी कारखान्याचे संचालक सूर्यभान कोळपे, सुधाकर रोहोम, दिलीपराव बोरनारे, डॉ.मच्छिंद्र बर्डे, शंकरराव चव्हाण, प्रवीण शिंदे, राजेंद्र घुमरे, सचिन चांदगुडे, श्रीराम राजेभोसले, राहुल रोहमारे, अनिल कदम,अशोकराव मवाळ,सुनिल मांजरे, मनोज जगझाप, वसंतराव आभाळे, प्रशांत घुले, सौ.वत्सलाबाई जाधव, सौ. इंदुबाई शिंदे, श्रावण आसणे, गंगाधर औताडे, सुरेश जाधव, विष्णू शिंदे, कार्यकारी संचालक सोमनाथ बोरनारे, जनरल मॅनेजर सुनिल कोल्हे, आसवनी विभागाचे जनरल मॅनेजर ज्ञानेश्वर आभाळे, सेक्रेटरी बाबा सय्यद, डेप्यु. सेक्रेटरी संदीप शिरसाठ, चीफ इंजिनिअर निवृत्ती गांगुर्डे, प्रॉडक्शन मॅनेजर सुर्यकांत ताकवणे सर्व विभाग प्रमुख व कामगार आदी उपस्थित होते.कार्यक्रमाचे प्रास्तविक जनरल मॅनेजर सुनिल कोल्हे यांनी केले.सूत्रसंचालन डेप्यु. सेक्रेटरी संदीप शिरसाठ यांनी केले तर आभार संचालक सूर्यभान कोळपे यांनी मानले.कर्मवीर शंकरराव काळे सहकारी साखर कारखान्याच्या ७२ व्या गळीत हंगामाचा बॉयलर अग्नीप्रदिपन प्रसंगी कारखाना व उद्योग समुहाचे मार्गदर्शक माजी आमदार अशोकरावजी काळे, चेअरमन आमदार आशुतोष काळे, व्हा.चेअरमन दिनार कुदळे,सौ.प्रियाताई कुदळे सर्व संचालक मंडळ, कार्यकारी संचालक सोमनाथ बोरनारे, जनरल मॅनेजर सुनिल कोल्हे, आसवनी विभागाचे जनरल मॅनेजर ज्ञानेश्वर आभाळे आदी.
