कोपरगाव प्रतिनिधी
गेल्या काही वर्षांपासून ऊस तोडणी मजुरांची संख्या सातत्याने घटत चालली आहे. गळीत हंगामात मजुरांच्या टंचाईमुळे साखर कारखान्यांना, वाहतूकदारांना व शेतकऱ्यांना मोठ्या अडचणींना सामोरे जावे लागत आहे. ऊस तोडणी मजुरांची कमी होत चाललेली संख्या ही साखर उद्योगासाठी मोठी आव्हानात्मक बाब बनली असून यावर पर्याय म्हणून केन हार्वेस्टिंग यंत्रांचा वापर हा सक्षम पर्याय आहे असे प्रतिपादन आ. आशुतोष काळे यांनी केले.
गोदावरी खोरे केन ट्रान्सपोर्ट कंपनी प्रा. लि; गौतमनगरची ५५ वी व गौतम केन ट्रान्सपोर्ट कंपनी प्रा. लिमिटेडची २७ वी वार्षिक सर्वसाधारण सभा नुकतीच कंपनीचे मार्गदर्शक व चेअरमन आ. आशुतोष काळे यांच्या अध्यक्षतेखाली खेळीमेळीच्या वातावरणात पार पडली. याप्रसंगी ते बोलत होते. हिंदवी स्वराज्याचे संस्थापक छत्रपती शिवाजी महाराज, मा.खा.स्व.कर्मवीर शंकररावजी काळे व स्व.सौ.सुशीलामाई काळे यांच्या प्रतिमेचे पूजन करून सभेस प्रारंभ करण्यात आला. अध्यक्ष पदाची सूचना चंद्रशेखर कडवे यांनी मांडली. सदर सूचनेस अशोकराव भगत यांनी अनुमोदन दिले. संचालक आप्पासाहेब निकम यांनी २०२५-२६ या आर्थिक वर्षात निधन झालेल्या व्यक्तींना श्रद्धांजली वाहिली.याप्रसंगी पुढे बोलतांना आ.आशुतोष काळे म्हणाले की, कारखाना व उद्योग समुहाचे मार्गदर्शक माजी आमदार आशोकराव काळे यांच्या मार्गदर्शनाखाली येत्या गळीत हंगामाच्या दृष्टीने कारखान्याची सर्व तयारी अंतिम टप्प्यात आली आहे. लवकरच बॉयलर अग्निप्रदीपन होणार असून शासनाच्या सूचनेनुसार १५ ऑक्टोबरला गळीत हंगाम सुरु करावा लागणार आहे. त्यादृष्टीने ट्रकधारकांनी तयारीला लागावे. ट्रकधारकांनी एकत्रितपणे केन हार्वेस्टर घेऊन व्यवसाय करावा यासाठी गोदावरी खोरे व गौतम केन ट्रान्सपोर्ट कंपनी ट्रक धारकांना सर्वतोपरी सहकार्य करणार असल्याचे आ. आशुतोष काळे यांनी यावेळी सांगितले.
सभेचे प्रास्तविक गोदावरी खोरे केन ट्रान्सपोर्ट कंपनीचे कार्यकारी संचालक दौलतराव मोरे यांनी केले. कार्यक्रमाचे सूत्रसंचालन व अहवाल वाचन जनरल मॅनेजर संतोष पवार यांनी केले तर आभार संचालक विजय जाधव यांनी मानले. यावेळी सर्व विषय टाळ्यांच्या गजरात मंजूर करण्यात आले. याप्रसंगी कर्मवीर शंकरराव काळे सहकारी साखर कारखान्याचे उपाध्यक्ष दिनार कुदळे, संचालक सूर्यभान कोळपे,डॉ.मच्छिन्द्र बर्डे, राजेंद्र घुमारे, सुनील मांजरे, मनोज जगझाप, सचिन चांदगुडे, दिलीपराव बोरनारे, अनिल कदम, श्रीराम राजेभोसले, गंगाधर औताडे, शंकरराव चव्हाण, अशोकराव मवाळ, सुरेश जाधव, श्रावण आसने, विश्वासराव आहेर, अॅड.विद्यासागर शिंदे, गोदावरी खोरे केन ट्रान्सपोर्टचे कार्यकारी संचालक दौलतराव मोरे, गौतम केन ट्रान्सपोर्टचे एक्झिक्युटिव्ह डायरेक्टर सुभाष गवळी, गोदावरी खोरेचे संचालक दिलीपराव शिंदे, विजयराव जाधव, विक्रम मांढरे, प्रदीप कुऱ्हाडे, कैलास आहेर, अशोक नीळकंठ, रमेश कोळपे, विजय थोरात, विक्रम सिनगर, अनिल वल्टे, गौतम केनचे संचालक भिकाजी सोनावणे, अरुण घुमरे, बबन भारसाकळ, रामदास कोळपे, भाऊसाहेब जोरे, माणिकराव चंद्रे, गणेश आहेर, अप्पासाहेब निकम, शकील पटेल, तसेच कारखान्याचे कार्यकारी संचालक सोमनाथ बोरनारे, जनरल मॅनेजर सुनील कोल्हे, सेक्रेटरी बाबासाहेब सय्यद, डेप्यू सेक्रेटरी संदीप शिरसाठ, गोदावरी खोरे जनरल मॅनेजर संतोष पवार, शेतकी अधिकारी निळकंठ शिंदे, सलग्न संस्था पदाधिकारी, सभासद व कर्मचारी मोठ्या संख्येने उपस्थित होते.
गोदावरी खोरे केन व गौतम केन ट्रान्सपोर्ट कंपनीच्या वार्षिक सर्वसाधारण सभेत बोलतांना आ.आशुतोष काळे समवेत मान्यवर.
