जेऊर कुंभारी वार्ताहर
संजीवनी उद्योग समूहाचे अध्यक्ष तथा लोकनेते मा. बिपिनदादा कोल्हे यांचा वाढदिवस म्हणजे कोपरगाव परिसरातील कार्यकर्त्यांसाठी समाजसेवेचा प्रेरणादायी उत्सव मानला जातो. वाढदिवसानिमित्त होणारा अनावश्यक खर्च टाळून तो समाजोपयोगी कार्यासाठी खर्च व्हावा, यासाठी बिपिनदादा कोल्हे सातत्याने कार्यकर्त्यांना मार्गदर्शन करत असतात. शुभेच्छा देण्यासाठी येणाऱ्या कार्यकर्त्यांकडून पुष्पगुच्छ, शाल व हार-फुले स्वीकारण्याऐवजी गोरगरिबांच्या शिक्षणासाठी मदत करावी, शैक्षणिक उपक्रम राबवावेत तसेच वृक्षारोपणासारख्या पर्यावरणपूरक उपक्रमांना प्राधान्य द्यावे, असे आवाहन ते नेहमीच करत आले आहेत.
त्यांच्या याच समाजाभिमुख आणि पर्यावरणप्रेमी विचारांना अनुसरून वाढदिवसाचे औचित्य साधत शनिवार, दि. २१ जून रोजी जेऊर कुंभारी येथील मारुती मंदिर परिसरात वृक्षारोपण कार्यक्रम उत्साहात पार पडला. या उपक्रमाच्या माध्यमातून पर्यावरण संवर्धनाचा संदेश देत परिसर हिरवागार करण्याचा संकल्प उपस्थितांनी व्यक्त केला.
यावेळी ज्येष्ठ नागरिक किसन सोळके, जेऊर कुंभारी विविध कार्यकारी सेवा सहकारी संस्थेचे चेअरमन दादासाहेब चव्हाण, उपसरपंच जालिंदर चव्हाण, उद्योजक संदीप वक्ते, भाजप अनु.जाती मोर्चाचे तालुका सचिव किशोर गायकवाड, ग्रामपंचायत सदस्य प्रदीप गायकवाड, संदीप राऊत, शशिकांत गुरसळ, कैलास चव्हाण,प्रा.मधुकर वक्ते,
विजय वक्ते, बंटी मेहेत्रे, गौरव आहिरे, सौरव गायकवाड, गणेश पोटे आदींसह ग्रामस्थ व कार्यकर्ते मोठ्या संख्येने उपस्थित होते.
कार्यक्रमाचे सूत्रसंचालन किशोर गायकवाड यांनी केले, तर आभारप्रदर्शन दादासाहेब चव्हाण यांनी केले.
