कोपरगाव प्रतिनिधी
संजीवनी उद्योग समूहाचे अध्यक्ष बिपीनदादा कोल्हे यांच्या वाढदिवसानिमित्त विविध स्तरांतून शुभेच्छांचा वर्षाव होत असताना संजीवनी उद्योग समूहाचे संचालक संजय दौलतराव होन, माजी सभापती शिवाजी आनंदराव वक्ते यांनी बिपीनदादा कोल्हे यांची भेट घेऊन त्यांना वाढदिवसाच्या शुभेच्छा दिल्या.
यावेळी बोलताना संचालक संजय होन यांनी कोल्हे परिवाराच्या सामाजिक, शैक्षणिक व राजकीय क्षेत्रातील कार्याचा गौरव केला. तळागाळातील सर्वसामान्य नागरिकांना आपलेसे करून त्यांच्या सुख-दुःखात सहभागी होण्याची परंपरा कोल्हे परिवाराने जपली असल्याचे त्यांनी सांगितले. समाजातील सर्व घटकांना सोबत घेऊन विकासाची वाटचाल करणाऱ्या या परिवाराने कोपरगाव तालुक्याच्या जडणघडणीत मोलाचे योगदान दिले असल्याचेही त्यांनी नमूद केले.
शेतकरी, कामगार, युवक, महिला तसेच विद्यार्थ्यांच्या हितासाठी विविध उपक्रम राबविण्याबरोबरच शिक्षण, आरोग्य व सहकार क्षेत्रातही कोल्हे परिवाराने उल्लेखनीय कार्य उभे केले आहे. जनतेच्या विश्वासावर आणि सर्वसमावेशक विचारांवर आधारित नेतृत्वामुळे कोल्हे परिवाराला समाजात विशेष स्थान प्राप्त झाले असल्याचे मत संजय होन यांनी व्यक्त केले.
याप्रसंगी माजी सभापती शिवाजी आनंदराव वक्ते यांनीही बिपीनदादा कोल्हे यांना शुभेच्छा देत त्यांच्या निरोगी, दीर्घायुष्यासाठी सदिच्छा व्यक्त केल्या. समाजसेवा आणि विकासाच्या कार्यातून बिपीनदादा कोल्हे यांचे नेतृत्व अधिक बळकट होत असून भविष्यातही त्यांच्या मार्गदर्शनाखाली जनहिताचे उपक्रम अधिक प्रभावीपणे राबविले जातील, असा विश्वास उपस्थितांनी व्यक्त केला.
