जेऊर कुंभारी वार्ताहर
पंचक्रोशीतील ग्रामस्थांचे जागृत देवस्थान कालभैरवनाथ जयंती येथील बाळभैरवनाथ मंदिरात उत्साहात साजरी करण्यात आली. जयंती निमित्ताने पवित्र गोदावरी गंगेवरून आणलेल्या पाण्याने बाळभैरवनाथाच्या मूर्तीस जलाभिषेक करण्यात आला. यानिमित्ताने पुरोहित विनोद जोशी यांनी सत्यनारायण पूजन केले. ही पूजा सुनील होन, आश्विनी होन, दिगंबर गुरसळ, रोहिणी गुरसळ, अशोक होन, जयश्री होन, कल्याण होन, ताराबाई होन, जनार्दन होन, छाया होन या पाच जोडप्यांच्या हस्ते पार पडली. यावेळी सचिव दादासाहेब होन, खजिनदार सचिन होन, विश्वस्त सागर होन, नितीन होन, सुधाकर होन, प्रवीण होन, रवींद्र होन तसेच ग्रामस्थ उपस्थित होते. महाप्रसादाने कार्यक्रमाची सांगता करण्यात आली.
