जेऊर कुंभारी वार्ताहर
शिक्षणमहर्षी स्व.लहानुभाऊ नागरे स्थापित रेनबो इंटरनॅशनल स्कूल, जेऊर कुंभारी या शाळेतील इयत्ता ६ वीचा विद्यार्थी क्षितिज विश्राम चव्हाण याची डॉ. होमी भाभा बालवैज्ञानिक स्पर्धेत सेकंड लेवल परीक्षेसाठी निवड झाली आहे. तसेच अद्वैत कोळपकर, युग कुदळे व हंसजा झिंजाड हे विद्यार्थी उत्तीर्ण झाले आहेत. विद्यार्थ्यांचा सर्वांगीण विकास व प्रगतीचा आलेख उंचावण्यासाठी सातत्याने नवनवीन उपक्रम राबवण्याचे काम शाळेचे कार्यकारी संचालक मा. आकाशजी नागरे सर, शैक्षणिक संचालक प्रा. श्री नानासाहेब दवंगे सर व उपप्राचार्य श्री निलेश औताडे सर हे वेळोवेळी करत असतात.
मुंबई सायन्स टीचर्स असोसिएशन ( MSTA) अर्थात मुंबई विज्ञान अध्यापक मंडळ, या संस्थेमार्फत इयत्ता सहावी व इयत्ता नववीच्या विद्यार्थ्यांसाठी होमी भाभा बालवैज्ञानिक स्पर्धा घेतली जाते. मुंबई, ठाणे / रायगड व उर्वरित महाराष्ट्र या तीन विभागात मराठी व इंग्रजी माध्यमांसाठी स्वतंत्रपणे ही परीक्षा घेतली जाते. परीक्षेचे लेखी परीक्षा, प्रात्यक्षिक परीक्षा, कृती संशोधन प्रकल्प आणि मुलाखत असे चार टप्पे असतात. सुमारे पाच महिने चालणारी अशी विस्तृत प्रक्रिया असणारी ही भारतातील बहुदा एकमेव परीक्षा आहे. महाराष्ट्रातून लाखात विद्यार्थी या परीक्षेला बसतात. विद्यार्थ्यांच्या विज्ञान विषयक जाणीवा समृद्ध होण्यासाठी तसेच वैज्ञानिक प्रक्रियेची ओळख होण्यासाठी ही परीक्षा अतिशय उपयुक्त आहे.
सदर, परीक्षेत क्षितिज चव्हाण या विद्यार्थ्याने प्रथम स्तरावर उज्ज्वल यश संपादन करून गुणवत्ता यादीत आपले नाव झळकावून रेनबो स्कूलची शान उंचावली आहे. यशस्वी विद्यार्थ्यांना विज्ञान विषयक बहुमोल मार्गदर्शन व त्यांची तयारी करून घेण्याचे काम राणी भास्कर मॅडम यांनी केले. विविध स्पर्धा परीक्षांचे नियोजन श्री निलेश औताडे सर हे अतिशय योग्य रीतीने राबवत असतात.
रेनबो स्कूलच्या या अद्वितीय यशाबद्दल पालक वर्गातून अतिशय समाधान व्यक्त होत असून व्यवस्थापनावर अभिनंदनाचा वर्षाव होत आहे. यशस्वी विद्यार्थ्यांना संस्थेचे अध्यक्ष मा. कांतीलालजी शेठ अग्रवाल, सचिव मा. संजयजी नागरे सर, विश्वस्त मा. मनोजजी अग्रवाल सर, मा.आनंदजी दगडे सर यांनी पुढील वाटचालीसाठी शुभेच्छा दिल्या आहेत.
