जेऊर कुंभारी वार्ताहर
राष्ट्रीय महामार्गा नं १६४ वरील पुणतांबा फाटा ते चांदेकसारे दरम्यान रस्त्याच्या दोन्ही बाजूस मोठ्या प्रमाणात काटेरी झुडपे रस्त्याच्या साईड पट्टया पर्यंत वाढल्यामुळे दुचाकीस्वारांना प्रवास करणे अडचणीचे ठरत आहे,त्यामुळे दुचाकी वाहनधारकांना या कारणाने वाहन रस्त्याच्या मधोमध चालवावे लागते म्हणून मोठ्या अवजड चारचाकी वाहन चालकांना मोठी कसरत करावी लागते ,त्यातच दिशादर्शक व वाहतुकीचे नियमाचे दृष्टीने लावण्यात आलेले फलक देखील या झाडांमुळे झाकून गेलेले आहेत तसेच काही फलक जमिनीवर पडलेले आहे त्यामुळे वाहन चालवताना तीव्र वळण यासारख्या गोष्टीचा वाहन चालकांना अंदाज येत नाही त्यामुळे अपघाताचा धोका संभवतो.या मार्गावरून वाहनांची संख्या वाढली असल्याने वर्दळ खूपच वाढली आहे
काल सकाळी नऊ वाजण्याच्या सुमारास डाऊच खुर्द शिवारात वळणावर एक कंटेनर (क्रं.एन.एल.०१ एन. ५३२४) व एक टाटा इंडिका विस्टा कार (क्र. एम.एच.१५ ई.ई.५७९) यांच्यात झालेल्या जोरदार टकरीत कारच्या पुढील भाग चक्काचूर झाला असून कंटेनरची इंधन टाकी फुटून इंधन रस्त्यावर इतस्ततः पसरले होते. पण जिवित हाना टळली गेल्याच वर्षी एका ऑटोरिक्षाच्या झालेल्या अपघातात सात निष्पाप माणसांना आपला जीव गमवावा लागलेला आहे. त्यामुळे पुन्हा अशा घटनांची पुनरावृत्ती होऊ नये म्हणून रस्त्याला दिशादर्शक फलक तसेच रहदारीच्या नियमांचे फलक योग्य ठिकाणी लावून साईड पट्ट्याही चिंतेची बाब आहे त्यामुळे सार्वजनिक बांधकाम विभागाने दोन्ही बाजूच्या साईड पट्टया कडेला वाढलेली काटेरी झुडपे काढून साईड पट्टया मोकळ्या कराव्यात अशी मागणी जिनिंग प्रेसिंग सोसायटीचे संचालक शंकर गुरसळ, समीर सय्यद, भगीरथ पुंगळ ,निरंजन पुंगळ, दौलतराव गुरसाळ ,उमेश पगारे, पीठे शंकर यांनी पत्रकाद्वारे केली आहे.
