जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कूल मध्ये शिक्षक दिन उत्साहात साजरा करण्यात आला.
कार्यक्रमाचे सर्व नियोजन इयत्ता पाचवी व सहावी च्या विद्यार्थ्यांनी केले. कार्यक्रमाचे सूत्रसंचालन इयत्ता पाचवी ची विद्यार्थिनी कु. समीक्षा वक्ते हिने केले. शिक्षक दिनाचे खरे मानकरी महात्मा फुले ,सावित्रीबाई फुले व डॉ.सर्वपल्ली राधाकृष्णन यांच्या प्रतिमेचे पूजन करून कार्यक्रमाची सुरुवात करण्यात आली ,पाचवी व सहावीच्या विद्यार्थ्यांनी आपल्या शिक्षकांचे औक्षण केले. इयत्ता सहावी ची विद्यार्थिनी कु. सिद्धी जाधव हिने सावित्रीबाईची भूमिका साकारली.तसेच सागर होन, सौ. खरात, व सौ. वक्ते यांनी शिक्षकदिना विषयी आपले मनोगत व्यक्त केले.
कार्यक्रमाचे मार्गदर्शन सौ. सविता होन यांनी केले. त्यानंतर काही विद्यार्थ्यांनी शिक्षकांची भूमिका पार पाडली. त्यामध्ये प्राचार्या सौ. खरात यांची भूमिका शेख हमजा याने पार पाडली तसेच सुनील सर (अयान सय्यद )सागर सर (गौरेश गुरसळ )सविता होन मॅडम (समीक्षा वक्ते) वक्ते मॅडम( रिषभ होन) श्रद्धा पवार मॅडम (सिद्धी जाधव) पल्लवी मॅडम (ईश्वरी माकोने) रोहमारे मॅडम (श्रावणी होन) अश्विनी होन मॅडम (धनश्री माकोने) तसेच मावशीची भूमिका आदर्श पवार व स्वामी बडे यांनी पार पाडली. सर्व शिक्षकांना गुलाबाचे फुल व एक भेट वस्तू देऊन त्यांचा सत्कार करण्यात आला. त्यानंतर शिक्षकांची भूमिका निभावणाऱ्या विद्यार्थ्यांनी तासिका घेतल्या. तसेच शिक्षकांचे शिक्षक दिनानिमित्त विविध खेळ घेण्यात आले. या कार्यक्रमासाठी संस्थेचे अध्यक्ष भास्कर होन, सुनील होन संचालक सागर होन , प्राचार्या सौ ज्योती खरात ,सौ. पल्लवी होन ,सौ. स्वाती वक्ते ,सौ.सविता होन ,सौ.अश्विनी होन, सौ.श्रद्धा पवार कु.अश्विनी रोहमारे ,सौ.मुक्ता तुवर सौ.सिंधु ताते तसेच शिक्षकेतर कर्मचारी उपस्थित होते.कार्यक्रमाचे आभार कु. श्रावणी होन हिने मानले.
