जेऊर कुंभारी वार्ताहर
कोपरगाव तालुक्यातील जेऊर कुंभारी, संजयनगर येथील आर पी आय प्रणित भीम साम्राज्य सेना मित्रमंडळाचा दुसरा वर्धापन दिन विविध उपक्रांद्वारे उत्साहात साजरा करण्यात आला.दरम्यान सकाळी नऊ वाजता संजयनगर येथील डॉ.बाबासाहेब आंबेडकर यांच्या स्मारकास पुष्पहार अर्पण करून भिमसाम्राज्य सेनच्या फलकाचे पूजन करण्यात आले. त्यानंतर जिल्हा परिषद प्राथमिक शाळा गिरमे वस्ती येथील सर्व विद्यार्थ्यांना आर पी आय चे प्रदेश सचिव दिपकराव गायकवाड व डॉ.बाबासाहेब आंबेडकर स्मारक समितीचे उपाध्यक्ष बाबुराव काकडे यांचे हस्ते संघटनेच्या वतीने वही, पेन आदी शालेय साहित्यासह मिठाईचे वाटप करण्यात आले. यावेळी प्रास्ताविक करताना भीमसाम्राज्य सेनेचे संस्थापक व जेऊर कुंभारी गावचे ग्रामपंचायत सदस्य प्रदीप गायकवाड म्हणाले की, ज्या महामानव डॉ.बाबासाहेब आंबेडकर यांच्या नावाने या संघटनेची स्थापना केली त्या बाबासाहेबांचा शिका, संघटित,व्हा आणि संघर्ष करा हा उपदेश लक्षात घेऊन शिक्षणासाठी प्रोत्साहन म्हणून संघटनेच्या वतीने विद्यार्थ्यांना शालेय साहित्याचे वाटप करत आहोत. संघटनेने दोन वर्षांमध्ये विविध महापुरुषांची जयंती साजरी केली असून महापुरुषांचे विचार अंगीकारले त्यांच्या उपदेशावर मार्गक्रमण केले तर मानवी जीवनाचे निश्चितच सोने होईल. प्राथमिक शालेय जीवनामध्ये शिक्षक हे आई-वडिलांनंतरचे दुसरे गुरु असून त्यांचा उपदेश समजून त्यानुसार आचरण केले तर भविष्यात एक सुजाण नागरिक म्हणून आपण इतरांसमोर सिद्ध होऊ शकतो. माजी जिल्हा परिषद सदस्य दिपकराव गायकवाड व बाबुराव काकडे यांनी संघटनेच्या उपक्रमाचे कौतुक करून त्यांना शुभेच्छा दिल्या तर शाळेचा दैनंदिन परिपाठातील नावीन्य पाहून विद्यार्थ्यांबरोबरच शिक्षकांचेही कौतुक केले. शाळेच्या शिक्षकांनी यावेळी भीम साम्राज्य संघटनेच्या कार्याचे कौतुक करताना विद्यार्थ्यांकडून टाळ्यांच्या गजरामध्ये शाळेच्या वतीने संघटनेच्या कार्याला शुभेच्छा दिल्या.
यावेळी शाळेच्या मुख्याध्यापिका जोशी मॅडम शिक्षक सुदाम साळुंखे सर अनुज ढुमणे सर , भीमसाम्राज्य सेना मित्रमंडळाचे अध्यक्ष सागर गायकवाड,उपाध्यक्ष दाविद धीवर, कार्याध्यक्ष सुमित पगारे, निलेश शिंदे, सुरेश काकडे,सुरेश चव्हाण,अजय गोरसे,रवी पवार, अविनाश पगारे, सोमेश्वर गायकवाड ,सचिन गायकवाड, सागर जगताप, स्वप्नील भालेराव, अमोल काकडे, आकाश पगारे,भारत गायकवाड यांचे सह भीमसाम्राज्य सेनेचे कार्यकर्ते व विद्यार्थी मोठ्या संख्येने उपस्थित होते.
