कोपरगाव प्रतिनिधी -हिंदु मुलींनी लव्ह जिहाद करणाऱ्या देशविघातक प्रवृत्तींच्या प्रेमात पडण्या ऐवजी आपल्याला नऊ महीने पोटात ठेवणाऱ्या आईच्या प्रेमात पडावे असे भावनिक आवाहन सुदर्शन चॅनलचे सुरेश चव्हाणके यांनी केले आहे,हिंदु सकल समाजाच्या वतीने कोपरगावात गुरुवार दि २० जुलै रोजी हिंदु जनआक्रोश मोर्चाचे आयोजन करण्यात आले होते या प्रसंगी ते बोलत होते.ते पुढे म्हणाले कि लव्हजिहाद तसेच बळजबरीने धर्मांतरण करणाऱ्यां दृष्टशक्तींना धडा शिकवला पाहीजे, व त्यासाठी देशात लव्हजिहाद व धर्मांतरण विरोधी,तसेच एन.आर.सी सारखे कायदे अंमलात आणणे गरजेचे असल्याचे त्यांनी यावेळी सांगितले.
कोपरगाव शहरातील रहिवाशी असलेल्या एका महिलेला इंदौर येथील एका मुस्लिम युवकाने आपल्या प्रेमाच्या जाळ्यात ओढुन तिच्यावर बळजबरीने कोपरगाव येथील मदरशा मध्ये अत्याचार केले व तिच्या आई बापाला जीवे मारण्याची धमकी देत अत्याचाराचे व्हिडीओ सोशल मिडीयावर व्हायरल करण्याची धमकी देत इंदोर येथील मदरशा मध्ये मौलवीच्या मदतीने बळजबरीने नमाज पठण करायला लावत धर्मांतर करण्यास प्रवृत्त केल्याची फिर्याद पीडित महिलेच्या कुटूंबाच्या वतीने कोपरगाव शहर पोलिस स्टेशन मध्ये दाखल केली होती,त्यानंतर ५ आरोपीविरुद्ध गुन्हा दाखल झाल्याची घटना नुकतीच उघडकीस आली,हि वार्ता वाऱ्यासारखी कोपरगाव तालुक्यासह संपुर्ण राज्यभर पसरली या घटनेनंतर कोपरगावातील हिंदु संघटना खडबडुन जाग्या झाल्या आणी या निंदनीय घटनेच्या निषेधार्थ कोपरगाव तालुक्यातील सर्व हिंदू सकल समाजाच्या वतीने एकत्रित येत कोपरगावात गुरुवार दि २० जुलै रोजी भव्य हिंदू जनाक्रोश मोर्चा’चे मोर्चाचे आयोजन केले.
सकाळी ११ वाजता छत्रपती शिवाजी महाराज यांच्या पुर्णाकृती पुतळ्यासमोर जनसागर उसळला त्यानंतर या जनसागराचे रूपांतर मोर्चात झाले व सुदेश चित्र मंदीर मार्गे कन्या विद्यामंदीर ते श्रीमान गोकुळचंद विद्यालय, राममंदीर मार्गे श्री छत्रपती संभाजी महाराज स्मारकाला वळसा घालुन हा जनसागर धारणगाव रोड मार्गे भारतरत्न डॉ.बाबासाहेब आंबेडकर स्मारक जवळ आला व नंतर छत्रपती शिवाजी महाराज यांच्या पूर्णाकृती पुतळ्या जवळ निषेध सभा घेण्यात आली.
यावेळी सकल हिंदु समाजाच्या वतीने या प्रकरणातील दोषी विरोधात कडक कारवाई करून पिडीत महीलेल्या न्याय मिळवुन द्यावा अश्या आशयाचे निवेदन कोपरगाव शहर पोलीस ठाण्याचे पोलिस निरिक्षक रामराव ढिकले यांना देण्यात आले
या प्रसंगी उपस्थित मान्यवरांनी आपले मनोगत व्यक्त केले.
या निषेध सभेतील उपस्थितां साठी विविध मंडळे,संस्था तसेच सेवाभावी संस्था यांनी पिण्याच्या पाण्याची तसेच अल्पोहाराची व्यवस्था केली होती.
या जनआक्रोश मोर्चाच्या वेळी काही अनुचित प्रकार घडु नये तसेच शहरात कायदा व सुव्यवस्था अबाधित रहावी यासाठी पोलीस प्रशासनाच्या वतीने मोठा फौजफाटा तैनात करण्यात आला होता.
कार्यक्रमाचे प्रास्तविक व सूत्रसंचालन मनसेचे जिल्हा उपाध्यक्ष संतोष गंगवाल यांनी केले तर आभार कलविंदर दडीयाल यांनी मानले.
सदर प्रसंगी मनसेचे जिल्हा उपाध्यक्ष संतोष गंगवाल,सागर बेग,अर्चना ठाकूर,राज्य पतसंस्था फेडरेशनचे अध्यक्ष ओमप्रकाश कोयटे,माजी आ.स्नेहलताताई कोल्हे,आ.आशुतोष काळे यांच्या मातोश्री पुष्पांताई काळे,सेनेचे शहर प्रमुख सनी वाघ आदींसह नागरिक महिला व तरूण वर्ग लाखाच्या पटीत उपस्थित होते
कोपरगाव सकल हिंदुसमाजाच्या वतीने आयोजित जनआक्रोश मोर्चाच्या वेळी कुठलाही अनुचित प्रकार घडला नाही हि कोपरगावकरांसाठी अभिमानाची गोष्ट आहे.
शेवटी राष्ट्रगीताने या निषेध सभेची सांगता झाली.
