कोपरगाव प्रतिनिधी
संपूर्ण जगाचे लक्ष असलेली इस्रोची महत्वाकांक्षी चंद्रयान ३ मोहीम काल दि.१४ जुलै २०२३ रोजी दुपारी ठीक २:३५ वा श्रीहरिकोटाच्या सतीश धवन अवकाश केंद्रावरून प्रक्षेपित झाले. भारतीय अंतराळ संशोधन संस्था (ISRO) ने आतापर्यंत जे काही मोहिम हाती घेतल्या होत्या. त्या प्रखरपणे पार पाडल्या जसे की, मंगल यान ,चंद्रयान १,चंद्रयान २, या मोहीम भारतीय अंतराळ संशोधन (ISRO) ने यशस्वी पार पाडल्या आहेत. परंतु चंद्रयान २ चंद्रावर लँड आणि रोव्हर क्रॅश झाल्यानंतर चंद्रयान दोन ही मोहीम अपूर्ण राहिली होती. परंतु आता भारताने चंद्रयान ३ मोहीम हाती घेतली आहे. ही मोहीम अतिशय महत्त्वाची व मोठी अशी ठरणार आहे. एल व्ही एम (LVM)3 हे इस्रो चे अतिशय महत्त्वाचे प्रक्षेपण यान आहे.’ चंद्रयान ३’ ह्या यानात रोव्हर , लेंडर आणि प्रॉपलशन मोड्युल असल्यामुळे त्यांना स्वतः अंतराळात प्रवेश करता येत नाही. म्हणून ‘ LVM 3 ‘जोडण्याचे कारण असे आहे की , ‘LVM 3 ‘मध्ये पुढे ढकलण्याची क्षमता असते. ज्यामुळे पृथ्वीच्या गुरुत्वाकर्षण शक्ती कमी होऊन उपग्रहासारख्या जड वस्तूंना अवकाशात उचलण्यासाठी लागणारी आत्यावश्यक असलेली ऊर्जा’ LVM 3′ तयार करू शकते. म्हणूनच एल व्ही एम(LVM) 3 हे प्रक्षेपण यान या चंद्रयान 3 मध्ये महत्त्वाची भूमिका बजावण्याचे दिसून येणार आहे. कोपरगाव येथील संत ज्ञानेश्वर इंग्लिश मिडीअम स्कूलच्या विद्यार्थ्यांनी देखील या चंद्रयान ३ चे थेट प्रक्षेपण इसरोच्या अधिकृत संकेतस्थळावर प्रसिद्ध झालेल्या लिंक द्वारे बघण्याचा आनंद लुटला. तसेच विद्यार्थ्यांना चंद्रयान ३ चे रोव्हर ,लेंडर आणि प्रॉपलशन मोड्युल एका व्हिडिओ च्या माध्यमातून शिक्षकांनी समजून सांगितले. विद्यार्थ्यांनी डिजिटल क्लासच्या सहाय्याने अतिशय कुतूहलाने व उत्साहाने या चंद्रयान ३ चे उड्डाण होतांना बघितले व यशस्वी रित्या उड्डाण झाल्याने विद्यार्थ्यांनी जल्लोष करत “भारत माता की जय” व “वंदे मातरम्” चा जय घोष करत आनंदोत्सव साजरा केला. या वेळी विद्यार्थ्यांनी चंद्रयान ३ ची सर्व माहिती आपल्या वहीत लिहून घेतली. विद्यार्थ्यांना चंद्रयान ३ चे थेट प्रक्षेपण शाळेच्या वतीने दाखवल्या बद्दल पालकांनी शाळेचे कौतुक केले व या पुढे असेच उपक्रम राबविले जाण्यासाठी शिक्षकांना विनंती केली. या वेळी संस्थेच्या वतीने कार्यकारी विश्वस्त विशाल झावरे, मुख्याध्यापक सचिन मोरे,सर्व विद्यार्थी,शिक्षक व शिक्षकेत्तर कर्मचारी उपस्थित होते.
