जेऊर कुंभारी येथील जिल्हा परिषद हॅरिसन ब्रँच शाळेतील सर्व विद्यार्थ्यानी चांद्रयान ३ च्या प्रक्षेपणाचा थरार वर्गात बसून वीज पुरवठा खंडित असल्यामुळे शिक्षकांच्या मोबाईल वर अनुभवला. अतिशय महत्वाकांक्षी अशा चांद्रयान ३ च्या प्रक्षेपणाबद्दलची सामान्य माहिती शाळेतील शिक्षकांकडून सकाळीच परिपाठावेळी देण्यात आली होती. चांद्रयान ३ च्या प्रक्षेपणाची वेळ दुपारी २:३४ ची असल्याने शाळेतील सर्व विद्यार्थी दुपारी २ : १५ वाजल्यापासूनच शिक्षकांच्या मोबाइल समोर टक लावून बसले होते. मोबाईल वरून सांगितली जात असलेली चांद्रयान ३ बद्दलची माहिती लक्षपूर्वक ऐकत होते.
चांद्रयान ३ चे प्रक्षेपण झाले तेव्हा शाळेतील सर्व विद्यार्थ्यांनी हर्षोल्हासित होऊन मोठ्या आवाजात टाळ्यांचा कडकडाट केला. ‘भारत माता की जय’, ‘वंदे मातरम’ च्या घोषणांनी शाळेचा परिसर दणाणून सोडला.
