कोपरगाव प्रतिनिधी
हॅरिसन ब्रँच शाळेत प्रजासत्ताक दिनानिमित्त भारतमाता व देशभक्तांच्या वेशभूषेत विद्यार्थ्यांची प्रभात फेरी काढण्यात आली. विद्यार्थ्यांनी भारतमाता की जय,वंदे मातरम,प्रजासत्ताक दिनाचा विजय असो अशा घोषणा देत परिसर देशभक्तीमय केला.यानंतर ध्वजाचे व भारतमातेचे पूजन शिक्षण प्रेमी चांगदेव वक्ते, अनिलराव रोहोम,महर्षी शंकरराव कोल्हे कारखान्याचे संचालक सतिष आव्हाड,माजी उपसरपंच यशवंतराव आव्हाड,ग्रामपंचायत सदस्य प्रदीप गायकवाड,शिक्षण प्रेमी रोहीत वक्ते,शाळा व्यवस्थापनचे अध्यक्ष संदिप पवार व मान्यवरांच्या हस्ते झाले.
कार्यक्रमाचे अध्यक्षस्थानी अनिल रोहोम होते.विद्यार्थ्यांनी प्रजासत्ताक दिनाविषयी व सामाजिक संदेश देणारी भाषणे केली. विविध थोर क्रांतिकारक व नेत्यांच्या वेशभूषेतून विद्यार्थ्यांनी देशभक्ती दाखवली. तसेच वेदांत दळवी,उमेजा असीर शेख,शिफा शेख, आर्यानी शिंदे, अनुष्का सोनवणे, श्रावणी डोखे, साधना मैंद, वैभव चकोर, व निकिता देवकर इ. विद्यार्थ्यांनी भाषणे केली.वेशभूषा व विविध स्पर्धेत सहभागी विद्यार्थ्यांना मान्यवरांच्या हस्ते प्रमाणपत्र देऊन गौरविण्यात आले.
शाळेचे मुख्याध्यापक नवनाथ सूर्यवंशी यांनी प्रजासत्ताक दिनाविषयी तसेच शाळेतील विद्यार्थी लाभाच्या योजनाविषयी माहिती प्रास्ताविकातून दिली.महर्षी शंकरराव कोल्हे कारखान्याचे संचालक
सतिष आव्हाड,ग्रामपंचायत सदस्य
प्रदीप गायकवाड,चांगदेव वक्ते यांनी आपल्या मनोगतातून सर्वाना प्रजासत्ताक दिनाच्या शुभेच्छा दिल्या.अध्यक्षीय भाषणात अनिल रोहोम यांनी प्रजासत्ताक दिनाच्या सर्व विद्यार्थ्यांना व उपस्थितांना शुभेच्छा दिल्या.यावेळी आरोग्य कर्मचारी,अंगणवाडी सेविका व मदतनीस,शा पो आ कर्मचारी, ग्रामस्थ,पालक व माजी विद्यार्थी मोठ्या संख्येने उपस्थित होते.दूध डेअरी हॅरिसन ब्रँच व पालकांतर्फे विद्यार्थ्यांना खाऊ वाटप करण्यात आले.तसेच कैलासवासी नानासाहेब कचरू दौंड यांच्या स्मृतिप्रित्यर्थ प्रजासत्ताक दिनाचे औचित्य साधून कुटुंबियांनी शाळेतील मुलांना नाश्ता पाकिटे व खाऊ दिला.
मान्यवरांचे स्वागत व कार्यक्रमाचे सुत्रसंचालन नवनाथ सूर्यवंशी यांनी केले व आभार श्रीमती मनिषा शिंपी यांनी मानले .
