जेऊर कुंभारी वार्ताहर
जोगेश्वरी इंटरनॅशनल स्कूल मध्ये प्रजासत्ताक दिनानिमित्ताने देशभक्ती पर गाण्यावर नृत्य सादर केले. विद्यार्थ्यांनी भारतमाता की जय,वंदे मातरम,प्रजासत्ताक दिनाचा विजय असो अशा घोषणा देत परिसर देशभक्तीमय केला.यानंतर ध्वजाचे व भारतमातेचे पूजन जिजाई बहूउददेशिय शैक्षणिक संस्थेचे सचिव श्री सुनिल भास्करराव होन, व मान्यवरांच्या हस्ते झाले.
कार्यक्रमाचे अध्यक्षस्थानी जिजाई बहूउददेशिय शैक्षणिक संस्थेचे सचिव व जोगेश्वरी इंटरनॅशनल स्कूल चे संस्थापक श्री सुनिल भास्करराव होन होते.विद्यार्थ्यांनी प्रजासत्ताक दिनाविषयी व सामाजिक संदेश देणारी भाषणे केली. विविध थोर क्रांतिकारक व नेत्यांच्या वेशभूषेतून विद्यार्थ्यांनी देशभक्ती दाखवली. तसेच इयत्ता पहिली ते सहावी च्या विद्यार्थ्यांनी भाषणे सादर केली . चालू शैक्षणिक वर्षात वेशभूषा व विविध स्पर्धेत सहभागी विद्यार्थ्यांना मान्यवरांच्या हस्ते प्रमाणपत्र देऊन गौरविण्यात आले.तसेच २०२१-२२ या शैक्षणिक वर्षात प्रत्येक वर्गात प्रथम, व्दितीय,तूतीय क्रमांक आलेल्या विद्यार्थ्यांना सन्मानचिन्ह देऊन गौरविण्यात आले . तसेच देशभक्ती गीतांवर विद्यार्थ्यांनी नूत्य सादर करून वातावरण देशभक्तीमय केले.
शाळेचे मुख्याध्यापिका सौ ज्योती खरात यांनी प्रजासत्ताक दिनाविषयी आपल्या मनोगतातून सर्वाना प्रजासत्ताक दिनाच्या शुभेच्छा दिल्या.अध्यक्षीय भाषणात सुनिल होन यांनी प्रजासत्ताक दिनाच्या सर्व विद्यार्थ्यांना व उपस्थितांना शुभेच्छा दिल्या.यावेळी ग्रामस्थ,पालक व विद्यार्थी मोठ्या संख्येने उपस्थित होते.
मान्यवरांचे स्वागत व कार्यक्रमाचे सुत्रसंचालन सौ श्रध्दा पवार यांनी केले व आभार सौ कोमल अरगडे यांनी मानले .
यावेळी प्रा सौ खरात, सौ स्वाती वक्ते,सौ पल्लवी होन,सौ आरती तरटे,सौ कोमल अरगडे या शिक्षकेनी व सौ तुवर,सौ ताते, बाळासाहेब होन, वाल्मिक होन, शिवाजी जाधव यांनी कार्यक्रमासाठी अथक परिश्रम घेतले
