जेऊर कुंभारी वार्ताहर
एकलव्य भिल्ल समाज संघटना महाराष्ट्र राज्य यांच्या वतीने जेऊरकुंभारी येथे पवार वस्तीवर आदिवासी मिशन अंतर्गत वाड्या व वस्त्या सबलीकरण करण्याच्या उद्दिष्टाने यासाठी जनजागृती मोहीम घेण्यात आली .
याप्रसंगी एकलव्य भिल्ल समाज संघटनेचे राज्य अध्यक्ष शिवाजीराव गांगुर्डे, ता.अध्यक्ष बाबासाहेब पवार यांनी उपस्थितांना मार्गदर्शन केले. प्रमुख पाहुणे म्हणून महर्षी शंकरराव कोल्हे कारखान्याचे संचालक सतिशराव आव्हाड, जेऊर कुंभारीच्या सरपंच सुवर्णा पवार उपस्थित होते.
शिवाजीराव गांगुर्डे मार्गदर्शन करताना म्हणाले की, एकलव्य भिल्ल समाज संघटनेच्या माध्यमातून आदिवासी बांधवांमध्ये जनजागृती करण्याचे काम सुरू आहे. या अंतर्गत आदिवासी बांधवांनी शासकीय जमिनीवर शेती व निवासी प्रयोजन करीता केलेल्या अतिक्रमणाबाबत शासनाने वेळोवेळी घेतलेले निर्णय व काढलेले आदेश याची माहिती देऊन हे अतिक्रमण नियमित करण्यासाठी शासन स्तरावर पाठपुरावा करणे, जी अतिक्रमणित प्रकरणे न्यायप्रविष्ट आहे त्यांना न्यायालयीन मदत मिळवुन देणे, आदिवासी बांधवांच्या विकासासाठी शासकीय विकास विभागाकडून राबविण्यात येणाऱ्या योजना व त्यासाठी मिळणारा शासकीय निधी कोणत्या कार्यालयात उपलब्ध आहे याबाबत माहिती देऊन जनजागृती करणे, शिक्षणापासून वंचित असलेले लहान मुले शालेय प्रवाहात आणण्यासाठी पालकांना शिक्षणाचे महत्त्व समजावून सांगणे तसेच नामांकित इंग्रजी शाळेत शासनातर्फे दिला जाणारा प्रवेश याबाबत पालकांना मार्गदर्शन करण्यात आले आहे.
संजयनगर येथील पवार रवींद्र बाबुराव या विद्यार्थ्याचा राज्यस्तरीय थाळीफेक स्पर्धेत प्रथम क्रमांक आला त्याबद्दल सतीशराव आव्हाड, सरपंच सुवर्णा पवार यांनी पुष्पगुच्छ देऊन सत्कार केला. तसेच या विद्यार्थ्याला शिक्षणासाठी येणारी आर्थिक मदत केली जाईल असे सतिश आव्हाड यांनी जाहीर केले.
कार्यक्रमाचे सुत्रसंचालन सतीश पवार यांनी केले व आभार सतीशराव आव्हाड यांनी मानले.
कार्यक्रमास रमेश पवार, सुरेश पवार, दिलीप पवार, भाऊसाहेब पवार, संजय जिरे, प्रवीण पवार, संदीप पवार, शिरीष पवार, श्याम पवार, उदय पवार, सुभाष पवार, रवींद्र माळी, किसन पवार, रोहित पवार, सतीश पवार, सुनील माळी, सतीश माळी, संगीता पवार, हिराबाई सोनवणे, अंजली पवार, निकिता पवार, विमल पवार, छाया पवार, माया पवार, आशा पवार, चैताली पवार, सुनंदा पवार, आरती पवार, सीमा पवार, प्रमिला पवार, जयश्री मोरे, अनिता पवार आदींसह ग्रामस्थ मोठ्या संख्येने उपस्थित होते.
