जेऊर कुंभारी वार्ताहर
न्यू इंग्लिश स्कूल चांदेकसारेच्या २००१-०२च्या इयत्ता १० वीच्या विद्यार्थ्यांचा स्नेहमेळावा जवळजवळ २० वर्षानंतर नुकताच वक्रतुंड लॉन्स पोहेगाव येथे पार पडला यावेळी त्यावेळचे सर्व शिक्षक व शिक्षकेतर कर्मचारी तसेच २००१-०२ च्या बॅचचे सर्व विद्यार्थी व विद्यार्थिनी उपस्थित होत्या.यावेळी सर्व विद्यार्थ्यांच्या वतीने प्रवेशद्वाराजवळ रांगोळी काढून गुरू जणांच्या स्वागतासाठी फुलांच्या पायघड्या घालण्यात आल्या तसेच त्यांच्यावर फुलांचा वर्षाव करण्यात आला सर्वांना गुलाब पुष्पे देण्यात आले .यावेळी कार्यक्रमाच्या सुरुवातीला शाळेप्रमाणेच शाळेचे क्रिडा शिक्षक श्री विठ्ठल होन सर यांनाच शाळे सारखी सावधान विश्राम अशी ऑर्डर देत राष्ट्रगीत घेण्यात आले त्यानंतर कार्यक्रमात सुरवातीला विद्यालयाचे काही माजी शिक्षक व विद्यार्थी दिवंगत झाले त्यांना श्रद्धांजली अर्पण करण्यात आली .
सर्व उपस्थित गुरूजणांच्या हस्ते दीप प्रज्वलन व प्रतिमा पूजन करण्यात आले त्यानंतर सत्कार करण्यात आला सर्व उपस्थित शिक्षकांना शाल बुके व साई बाबांची डायरी भेट म्हणून देण्यात आली.
यानंतर सर्व विद्यार्थ्यांचे मनोगत झाले सर्व विद्यार्थी व विद्यार्थिनींनी आपली गुरूप्रति असलेली कृतज्ञता व्यक्त केली आपले शालेय जीवनातील अनुभव व्यक्त केले. त्यानंतर उपस्थित शिक्षकांनी मार्गदर्शन केले त्यात होन सरांनी सांगितले की तुम्ही आज आमचा जो सन्मान केला ह्यामुळे आम्ही भारावून गेले आहोत खूप मोठे व्हा नाव कमवा हीच शुभेच्छा तर गोसावी सरांनी सांगितले की जीवनात खूप पैसा मिळवा पण नीतीच्या मार्गाने मिळवा
कष्ट करा संपत्ती कमवा परंतु पैसा जपणू वापरा नमुन खा कारण पैसा हा चंचल आहे जास्त ऊतमात करू नका संपत्तीचा वापर जपुन करा. पैसा खूप आला म्हणजे व्यभिचार करू नका.
तसेच व्यसन करू नका कलाशिक्षक श्री जावळे सर यांनी सांगितले की मागील वर्षी याच मंचाने मला वचन दिले होते की पुढील वर्षी स्नेहमेळावा हा सर्व मुलीसोबत असावा तो शब्द तुम्ही आज पाळला तुम्ही आज जवळजवळ २० वर्षानी आम्हाला विसरले नाहीत हेच आमच्यासाठी बक्षीस आहे आपल्या आईवडिलांना पत्नीला पतीला सुखी ठेवा समाजाची सेवा करा महिलांचा सन्मान करा. असे सांगीतले .आमटे मॅडम यांनी सांगितले की आम्ही तुम्हाला शिकविले घडवले त्याचेच फळ म्हणजे आज आमचे मुले पण चांगले यशस्वी आहेत सर्व जणांचे चेहरे एकदम टवटवीत आहे याचा अर्थ आज सर्वजण आपापल्या जीवनात सुखी आहेत यापेक्षा आम्हाला तुमच्याकडून काहीच अपेक्षा नाही मात्र पुढील वेळी सर्व जण जोडीने आले पाहिजेत असा कार्यक्रम करा.
विद्यार्थ्यांच्या मनोगतात श्री नितीन होन यांनी त्यांचे शालेय जीवनातील अनुभव व्यक्त केले त्यावेळी त्यांनी आमटे मॅडम व गोसावी मॅडम यांना देवता म्हणून उल्लेख केल्याने त्या खूपच भारावून गेले त्यावेळी आपल्या विनोदी शैलीत सर्व शिक्षकांचे अनुभव सांगितले.
यावेळी नितीन होन, मोनाली होन, रेणुका होन, राहुल पुंगळ, सतीश जाधव, वर्षा ढमाले, जयश्री गरुड,
भाऊसाहेब होन ,गणेश सोळशे ,शरद पवार, देवीदास जगताप, राहुल होन यांनी मनोगत व्यक्त केले.
कार्यक्रमाचे सूत्रसंचालन मोनाली होन यांनी केले कार्यक्रमाचे प्रास्ताविक श्री नितीन होन यांनी केले तर राहुल पुंगळ यांनी उपस्थितांचे आभार मानले कार्यक्रम संपल्यानंतर सर्वांनी स्वादिष्ट भोजनाचा आस्वाद घेत धन्यवाद व्यक्त केले शास्त्रज्ञ किशोर इनामके व दिव्यांग विद्यार्थी अतूल गुरसळ हे या कार्यक्रमाचे विशेष आकर्षण ठरले
कार्यक्रम यशस्वीतेसाठी श्री नितीन होन, मोनाली होन, राहुल पुंगळ, दादासाहेब होन, बाबासाहेब होन यांनी विशेष परिश्रम घेतले.
