कोपरगाव प्रतिनिधी
शिक्षणमहर्षी लहानुभाऊ नागरे स्थापीत रेन्बो इंटरनॅशनल स्कूल मध्ये इयत्ता सहावी ते दहावीच्या विद्यार्थीनींसाठी ‘ किशोरावस्थेच्या उंबरठयावर’ हे समुपदेशन पर मार्गदर्शन चर्चासत्र घेण्यात आले . नगर जिल्ह्यातील ज्येष्ठ समुपदेशक तज्ञ डॉ . उज्वला शिरसाठ मॅडम यांनी या प्रसंगी मुलींशी संवाद साधला . किशोरावस्थेत अर्थात वयात येताना मुलींमध्ये होणारे शारिरीक , मानसिक , भावनिक बदल , समाजात वावरत असताना येणारे बरे वाईट अनुभव, स्पर्शज्ञान व जाणीव , मासिकपाळी संबधीच्या विविध समस्या यासारख्या महत्वपूर्ण व काळाच्या दृष्टीने आवश्यक असणाऱ्या विविध विषयांवर चर्चा केली . मुलींनीही मनातील विविध प्रश्नांना वाट मोकळी करून शिरसाठ मॅडमांशी संवाद साधला . मुलींचं जीवन काचेच्या भांड्या सारखं असतं आई-वडील मुलींना मौल्यवान हिऱ्या प्रमाणे जपतात त्यामुळे विश्वासार्हतेने मुलींनी जीवनातील सर्व गोष्टींवर आई वडीलांशी चर्चा करावी असे प्रतिपादन प्राचार्य सुरेश शिंदे यांनी केले . सदर चर्चा सत्राचे प्रास्ताविक नंदिनी वक्ते यांनी मांडले तर स्मिता पाटील यांनी आभाराची सुत्रे हाताळली .विश्वभारती रूरल एज्युकेशन संस्थेचे अध्यक्ष कांतीलाल आग्रवाल, उपाध्यक्ष – वनिताताई नागरे ,सचिव – संजय नागरे, विश्वस्त – मनोजशेठ आग्रवाल, आनंद दगडे , कार्यकारी संचालक आकाश नागरे , उपप्राचार्य – प्रविण कदम,प्रशांत भास्कर , सोमनाथ सोनवणे यांनी सदर चर्चासत्राचे कौतुक करून समुपदेशक उज्वला शिरसाठ यांना शुभेच्छा दिल्या .
