Friday, November 20, 2026
Google search engine
HomeUncategorizedआ.आशुतोष काळेंच्या प्रयत्नातून मंजूर झालेल्या प्रशासन काळातील कामांचे उद्घाटन करून नगराध्यक्षांनी स्वतःचा...

आ.आशुतोष काळेंच्या प्रयत्नातून मंजूर झालेल्या प्रशासन काळातील कामांचे उद्घाटन करून नगराध्यक्षांनी स्वतःचा उदो उदो करू नये!!- शैलेश साबळे

कोपरगाव प्रतिनिधी

कोपरगाव नगरपालिकेच्या निवडणुकीत कोपरगावकरांना अनेक पोकळ आश्वासन सत्ताधारी गटाकडून देण्यात आले, मात्र दिलेली आश्वासने पूर्ण करण्यात नगराध्यक्ष आणि त्यांचे नेते असमर्थ ठरत असून आ. आशुतोष काळे यांच्या प्रयत्नातून मंजूर झालेल्या प्रशासन काळातील कामाचे उद्घाटन करून नगराध्यक्षांनी स्वतःचा उदो उदो करू नये अशी टीका राष्ट्रवादी कॉंग्रेसचे कार्यकर्ते शैलेश साबळे यांनी केली आहे.प्रभाग क्र. २ मधील नागरिकांना मुलभूत सुविधा उपलब्ध करून देण्यासाठी आ. आशुतोष काळे यांनी शासनाकडे सातत्याने पाठपुरावा करून नागरी दलितेतर वस्ती सुधारणा योजनेंतर्गत आर.जे. भागवत ते ज्ञानेश्वर घर ते पत्रकार मोबीन खान घर, खडकी रोड या रस्त्याचे कॉक्रिटीकरणासाठी २६ लाख ६९ हजार निधी मंजूर करून आणला आहे. कोपरगाव नगरपालिका सत्ताधारी गट आ. आशुतोष काळे यांनी मंजूर करून आणलेल्या कामाचे श्रेय लाटण्यातच व्यस्त असून नगरपालिकेत कोल्हे गटाची सत्ता आल्यापासून कोपरगाव शहरात एकही नवीन कामासाठी निधी उपलब्ध झालेला नाही. शहरात जे काही विकास कामे होत आहे हि सगळी कामे प्रशासन काळातील असून आ. आशुतोष काळे यांनी मंजूर करून आणलेली आहे. आज कोपरगाव नगरपालिकेचे नगराध्यक्ष प्रभाग क्र. २ मधील आर.जे. भागवत ते ज्ञानेश्वर घर ते पत्रकार मोबीन खान घर, खडकी रोड या रस्त्याचे कॉक्रिटीकरण कामाचे उद्घाटन करीत आहे. त्यांना पण माहिती आहे कि या कामासाठी आ. आशुतोष काळे यांनी निधी मंजूर करून आणलेला आहे. परंतु स्वतःचे अपयश आणि नाकर्तेपणा झाकण्यासाठी त्यांचा हा अट्टाहास सुरु आहे. आ.आशुतोष काळे यांच्या कामाचे श्रेय घेण्याचे नगराध्यक्ष काम करीत असून कोपरगाव नगराध्यक्ष प्रशासन काळात मंजूर झालेल्या कामाचे उद्घाटन करण्यातच दंग आहे. परंतु निधी कोणी आणला हे नागरिकांना चांगलेच माहिती असल्याचे शैलेश साबळे यांनी स्पष्ट केले आहे.कोपरगाव शहरातील अनेक विकासकामे मंजूर झालेले असून विविध कामांच्या निविदा प्रसिद्ध झालेल्या आहे. उर्वरित सर्व कामे टप्याटप्याने पूर्ण होणार असल्याचे शैलेश साबळे यांनी सांगितले आहे.प्रभाग क्र. २ प्रलंबित कामासाठी आ. आशुतोष काळे यांनी निधी मंजूर करून आणल्याबद्दल नागरिकांमध्ये समाधानाचे वातावरण पसरले असून त्यांनी आ. आशुतोष काळे यांचे आभार मानले आहे.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!