Tuesday, November 17, 2026
Google search engine
HomeUncategorizedदुष्काळग्रस्त शेतकऱ्यांच्या मदतीसाठी संजीवनीचा ५१ लाख ५१ हजारांचा मदतीचा हात!!

दुष्काळग्रस्त शेतकऱ्यांच्या मदतीसाठी संजीवनीचा ५१ लाख ५१ हजारांचा मदतीचा हात!!

कोपरगाव प्रतिनिधी

सामाजिक बांधिलकी, सहकार आणि सेवाभावाची परंपरा जपणाऱ्या संजीवनी उद्योग समूहाने व कोल्हे परिवाराने पुन्हा एकदा सामाजिक उत्तरदायित्वाचे दर्शन घडवले आहे. राज्यातील दुष्काळग्रस्त शेतकऱ्यांना मदतीचा हात देण्यासाठी ‘संजीवनी युनिव्हर्सिटी व संजीवनी ग्रुप’ यांच्या वतीने मुख्यमंत्री सहाय्यता निधीसाठी ५१ लाख ५१ हजार रुपयांची देणगी देण्यात आली. या देणगीचा धनादेश मुंबई येथे मुख्यमंत्री देवेंद्र फडणवीस यांच्याकडे सुपूर्द करण्यात आला.यावेळी आमदार विवेक कोल्हे, संजीवनी शिक्षण संस्थेचे अध्यक्ष नितीन कोल्हे, मॅनेजिंग ट्रस्टी अमित कोल्हे आणि विश्वस्त सुमित कोल्हे यांनी मुख्यमंत्री देवेंद्र फडणवीस यांची भेट घेऊन हा धनादेश प्रदान केला. यावेळी राज्याचे उच्च व तंत्रशिक्षण मंत्री चंद्रकांत पाटील उपस्थित होते.राज्यातील अनेक भागांमध्ये दुष्काळी परिस्थितीमुळे शेतकरी बांधवांना आर्थिक संकटाचा सामना करावा लागत आहे. अशा कठीण प्रसंगी शेतकऱ्यांच्या पाठीशी उभे राहणे ही केवळ सामाजिक जबाबदारी नसून आपले कर्तव्य आहे, या भावनेतून संजीवनी परिवाराने हा मदतीचा निर्णय घेतला. शेतकऱ्यांना दिलासा मिळावा आणि संकटाच्या काळात त्यांना आधार मिळावा, हा या मदतीमागील मुख्य उद्देश आहे.संजीवनी परिवाराच्या या स्तुत्य उपक्रमाचे मुख्यमंत्री देवेंद्र फडणवीस यांनी विशेष कौतुक केले. सामाजिक जाणिवेतून दुष्काळग्रस्त शेतकऱ्यांच्या मदतीसाठी पुढाकार घेतल्याबद्दल त्यांनी कोल्हे कुटुंबीय व संजीवनीच्या पदाधिकाऱ्यांचे कौतुक केले.सहकारमहर्षी स्व.शंकरराव कोल्हे यांनी रुजविलेली सहकार, सामाजिक बांधिलकी आणि लोकसेवेची परंपरा पुढे नेत संजीवनी परिवाराने संकटग्रस्त घटकांच्या मदतीसाठी नेहमीच पुढाकार घेतला आहे. शिक्षण, सहकार, उद्योग आणि सामाजिक क्षेत्रातील योगदानाबरोबरच गरजूंच्या मदतीसाठीही संजीवनी परिवाराची ही वाटचाल समाजाप्रती असलेली आपली बांधिलकी अधोरेखित करणारी ठरली आहे.दुष्काळग्रस्त शेतकरी बांधवांच्या मदतीसाठी आपली संवेदनशीलता दाखवत संजीवनी विद्यापीठाच्या माध्यमातून अध्यक्ष नितीन कोल्हे, मॅनेजिंग ट्रस्टी अमित कोल्हे आणि विश्वस्त सुमित कोल्हे यांनी विद्यार्थ्यांना शैक्षणिक गुणवत्तेसोबतच सामाजिक जाणिवेचा ठेवलेला आदर्श हा कौतुकास्पद आहे.माजी मंत्री स्व.शंकरराव कोल्हे यांनी ग्रामीण भागातील शेतकरी कष्टकरी यांच्यासाठी आपले जीवन व्यतीत केले त्यांच्या संस्कारांवर पुढील पिढ्यांचा आदर्शवत प्रवास संकटकाळी सामाजिक योगदान देण्यासाठी मोलाचा ठरतो आहे.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!