
हनुमंतराव भोंगळे यांना गुरुकुल-गुरुवर्य पुरस्कार; दिपकराव गायकवाड यांना समाजभूषण पुरस्कार मिळाल्याबद्दल गौरव!!
जेऊर कुंभारी वार्ताहर
जेऊर कुंभारी येथील मारुती मंदिर परिसरात गुरुवार, दि. १९ नोव्हेंबर रोजी ग्रामस्थांच्या वतीने आयोजित करण्यात आलेला भव्य नागरी सत्कार सोहळा उत्साहपूर्ण वातावरणात पार पडला. गावातील शैक्षणिक व सामाजिक क्षेत्रात उल्लेखनीय योगदान देणाऱ्या दोन कर्तृत्ववान व्यक्तिमत्त्वांचा यावेळी गौरव करण्यात आला.
या सोहळ्यात श्री. हनुमंतराव भोंगळे यांना प्रतिष्ठित ‘गुरुकुल-गुरुवर्य पुरस्कार’ प्राप्त झाल्याबद्दल त्यांचा ग्रामस्थांच्या वतीने भव्य सत्कार करण्यात आला. तसेच रिपब्लिकन पार्टी ऑफ इंडिया (आरपीआय)चे प्रदेश सचिव श्री. दिपकराव गायकवाड यांना सामाजिक क्षेत्रातील उल्लेखनीय कार्याबद्दल ‘समाजभूषण पुरस्कार’ प्राप्त झाल्याने त्यांचाही यावेळी सन्मान करण्यात आला.
कार्यक्रमाच्या अध्यक्षस्थानी न्यू इंडिया इन्शुरन्स कंपनीचे मॅनेजर भिमराज वक्ते होते. अध्यक्षीय मनोगत व्यक्त करताना ते म्हणाले की, आपल्या गावातील व्यक्तींनी शैक्षणिक व सामाजिक क्षेत्रात उल्लेखनीय कार्य करून पुरस्कार प्राप्त करणे ही संपूर्ण गावासाठी अभिमानाची आणि आनंदाची बाब आहे. व्यक्तीच्या कार्याची दखल घेऊन त्यांचा सन्मान केल्याने त्यांच्या कार्याला प्रोत्साहन मिळते, तसेच समाजातील नव्या पिढीला प्रेरणा मिळते. प्रत्येकाने आपल्या क्षेत्रात प्रामाणिकपणे व निष्ठेने कार्य करून गावाचे नाव उज्ज्वल करण्यासाठी प्रयत्नशील राहावे, असे प्रतिपादन त्यांनी केले.
यावेळी संचालक बाळासाहेब वक्ते, माजी सभापती शिवाजीराव वक्ते, काँग्रेसचे कोपरगाव तालुकाध्यक्ष नितीन शिंदे, ग्रामविकास अधिकारी संजय दुशिंग, पाटीलबा वक्ते यांनी मनोगत व्यक्त करून दोन्ही सत्कारमूर्तींचे अभिनंदन केले व त्यांच्या पुढील वाटचालीस शुभेच्छा दिल्या.
आपल्या गावातील व्यक्तींना त्यांच्या उल्लेखनीय कार्याबद्दल पुरस्कार मिळणे ही संपूर्ण गावासाठी अभिमानाची बाब असल्याची भावना यावेळी ग्रामस्थांनी व्यक्त केली. दोन्ही सत्कारमूर्तींच्या गौरवामुळे उपस्थितांमध्ये उत्साहाचे वातावरण निर्माण झाले होते.
या सोहळ्याला महर्षी शंकरराव कोल्हे कारखान्याचे माजी व्हा. चेअरमन रमेश घोडेराव साहेब,
माजी संचालक मधुकर वक्ते, माजी सभापती शिवाजीराव वक्ते, संचालक बाळासाहेब वक्ते, संचालक सतीश आव्हाड, पोलीस पाटील बाळासाहेब गायकवाड, विजय रोहम, पाटीलबा वक्ते, काँग्रेसचे कोपरगाव तालुकाध्यक्ष नितीन शिंदे, गोदावरी खोरे केन ट्रान्सपोर्टचे संचालक दिलीप शिंदे, शरदचंद्र पवार पतसंस्थेचे संचालक विरेंद्र शिंदे, माजी सरपंच जालिंदर चव्हाण, माजी सरपंच आनंदा चव्हाण, गौतम बँकेचे व्हा.चेअरमन धोंडीराम वक्ते, सोशल मिडिया कोपरगाव तालुकाध्यक्ष महेंद्र वक्ते, जेऊर कुंभारी सोसायटीचे चेअरमन कोंडीराम वक्ते, व्हा. चेअरमन कर्णासाहेब वक्ते, संचालक दादासाहेब चव्हाण, ग्रामविकास अधिकारी संजय दुशिंग, ग्रामपंचायत सदस्य किशोर वक्ते, भाजपा युवा मोर्चाचे तालुकाध्यक्ष किशोर गायकवाड, किसन सोळके, रघुनाथ वक्ते, शिवाजी भाऊसाहेब वक्ते, शिवाजी यादव वक्ते, कैलास वक्ते, कल्याण गुरसळ, प्रकाश गायकवाड, द्वारकानाथ देवकर, लक्ष्मण वक्ते, नितीन इंगळे, करणा वक्ते, अनुज दुमणे, अमित भोंगळे, अशोक राऊत, संदीप राऊत, संजय शांतीलाल वक्ते, सुनील वक्ते, संदीप वक्ते, नामदेव वक्ते, दौलत सोळके, नितीन गायकवाड, नवनाथ गायकवाड, किरण गायकवाड, भास्कर गायकवाड, प्रकाश गायकवाड,रघुनाथ गायकवाड, कुंदन पठारे, भास्कर वाकुडे, सतीश वक्ते, सागर गुरसळ, गोट्टू मेहेत्रे, बंटी मेहेत्रे, बापू गिरमे, विलास धिवार, सौरव गायकवाड यांच्यासह ग्रामस्थ व नागरिक मोठ्या संख्येने उपस्थित होते.
कार्यक्रमाचे सूत्रसंचालन जालिंदर चव्हाण यांनी केले, तर उपस्थितांचे आभार विजय रोहम यांनी मानले. कार्यक्रमाचे नियोजन भाजपा युवा मोर्चाचे तालुकाध्यक्ष किशोर गायकवाड व प्रा. मधुकर वक्ते यांनी केले.


