कोपरगाव प्रतिनिधी
पावसाळा सुरू असून मागील काही दिवसापासून कोपरगाव तालुक्यात पावसाची संततधर सुरू आहे. त्यामुळे ठीक ठिकाणी पावसाचे पाणी साचून साथीचे रोग पसरण्याची शक्यता आहे. कोरानाचे संकट अद्याप संपलेले नाही. अशातच नागरिकांना साथीच्या रोगाचा सामना करावा लागू शकतो. त्यामुळे साथीचे रोग पसरणार नाही यासाठी पंचायत समिती प्रशासनाने योग्य उपाययोजना कराव्यात अशा सूचना श्री साईबाबा संस्थानच्या विश्वस्त मंडळाचे अध्यक्ष ना. आशुतोष काळे यांनी पंचायत समिती प्रशासनाला दिल्या आहेत.
ना. आशुतोष काळे यांनी सोमवार (दि.२५) रोजी कोपरगाव येथे पंचायत समितीच्या अधिकाऱ्यांची आढावा बैठक घेतली यावेळी मार्गदर्शन करतांना ते बोलत होते. ते म्हणाले की, सध्या पावसाळ्याचे दिवस सुरू आहेत त्यामुळे रोगराई पसरण्याची शक्यता आहे.जागतिक आरोग्य संघटनेने मंकीपॉक्स या आजाराला जागतिक महामारी म्हणून घोषित केले आहे. त्यामुळे कोरोना लसीकरणाचा वेग वाढविण्यासाठी आरोग्य विभागाने प्रयत्न करून लसीकरणाचा टक्का वाढवावा. अनेक पात्र लाभार्थ्यांना शौचालय मंजूर झाले असून त्या नागरिकांचे शौचालयाचे अनुदान वेळेवर जमा होत नाही अशा नागरिकांच्या तकरी आहेत त्यासाठी या नागरिकांचे अनुदान लवकरात लवकर लाभार्थ्याच्या खात्यावर जमा करावे तसेच गाय गोठा, विहिरी, रस्ते अनुदान देखील वेळेत जमा करावे.बाळासाहेब ठाकरे स्मृती मातोश्री योजने अंतर्गत मंजूर ग्रामपंचायत कार्यालयाची निविदा लवकरात लवकर प्रसिद्ध करावी अशा अनेक सूचना ना. आशुतोष काळे यांनी दिल्या तसेच नवीन मंजूर झालेल्या १३ पाणीपुरवठा योजना आणि खोपडी व मंजूर पाणीपुरवठा योजना तांडा वस्ती सुधार योजना, जन सुविधा व अल्पसंख्यांक विकास कामांची सद्यस्थिती यावेळी त्यांनी जाणून घेतली
यावेळी माजी पंचायत समिती सभापती सौ. पौर्णिमा जगधने,उपसभापती अर्जुनराव काळे, अनिल कदम, श्रावण आसने, मधुकर टेके,जिनिंग प्रेसिंग सोसायटीचे चेअरमन गोरक्षनाथ जामदार, राहुल जगधने,सुधाकर होन, तालुका आरोग्य अधिकारी डॉ. विकास घोलप, विस्तार अधिकारी बी.बी. वाघमोडे, कृषी अधिकारी पंडितराव वाघिरे, पशु वैद्यकीय अधिकारी डॉ. सुशील कोळपे, कनिष्ठ अभियंता आर.टी. दिघे, ए.पी. दिघे,शाखा अभियंता सी.डी. लाटे, जी.पी. गुंजाळ, पी.आर. शेंडगे, लेखापाल जी.एस. सोनवणे आदी उपस्थित होते. पंचायत समिती आढावा बैठकीत प्रशासनाला सूचना करतांना ना. आशुतोष काळे
