कोपरगाव प्रतिनिधी
कोपरगाव विधानसभा मतदार संघातून राष्ट्रीय महामार्ग क्रमांक NH 160 गेलेला असून सदर रस्त्याचे नूतनीकरण करण्याचे काम प्रगती पथावर आहे.सदर रस्त्याचे मध्यभागी दुभाजक असल्याने मढी खुर्द,मढी बुद्रुक,चांदेकसारे,जेऊर कुंभारी, डाऊच खुर्द, सोनेवाडी परिसरातील नागरिकांना व शेतकऱ्यांना शेती काम व इतर कामाकरिता सदर रस्ता ओलांडण्यासाठी मोठी अडचण निर्माण होत आहे. सदर NH 160 रस्त्याला देर्डे कोऱ्हाळे , पाथरे खुर्द सिन्नर ,झगडे फाटा , सावलीविहिर येथे डायव्हर्शन क्रॉसिंग ठेवलेले आहे असे समजते,सदर क्रॉसिंग मध्ये अंतर जास्त असल्याने मढी बुद्रुक, मढी खु, चांदेकसारे,जेऊर कुंभारी, डाऊच खुर्द, सोनेवाडी,परिसरातील नागरिकांना व शेतकऱ्यांना शेतीकाम व इतर कामासाठी जाण्यास मोठ्या प्रमाणात अडचण निर्माण झाली आहे. तसेच सदर परिसरातील विद्यार्थी संख्या ही जास्त असल्याने शैक्षणिक दृष्ट्या ही बाब अत्यंत महत्त्वाचे आहे त्याकरता चांदेकसारे,डाऊच खुर्द,जेऊर कुंभारी,सोनेवाडी, मढी खुर्द व मढी बु च्या रस्त्यांना रहदारीसाठी NH 160 ला रस्ता क्रॉसिंगसाठी व्यवस्था करण्यात यावी. जर क्रॉसिंग साठी जागा ठेवली नाही तर नागरिकांना झगडे फाटा किंवा सावळी विहीर फाटा इतका लांब पल्ल्याचा प्रवास करून मग रस्ता ओलांडावा लागेल ही अडचण लक्षात घेता, बाळासाहेब विठ्ठलराव आभाळे व सुधाकर रोहिदास होन यांनी ना. आशुतोष काळे यांच्या ही बाब लक्षात आणून दिली व विनंती केली. या प्रकरणाची तातडीने दखल घेत आमदार श्री आशुतोष दादा काळे साहेब यांनी तातडीने NHAI विभागाकडे पाठपुरावा करून सदर रस्त्याला क्रॉसिंग करण्यासाठी व्यवस्था ठेवण्याची सूचना केली आहे. याबद्दल परिसरातील नागरिकांनी आमदार आशुतोष काळे यांचे धन्यवाद मानले आहे तसेच लवकरात लवकर हा विषय मार्गी लागावा यासाठी विनंती केली आहे.
