कोपरगाव प्रतिनिधी
सामाजिक, शैक्षणिक, सांस्कृतिक क्रीडा राजकीय,सहकार अशा विविध क्षेत्रात उल्लेखनीय कार्य करणाऱ्या व्यक्तींचा शिवपुत्र छत्रपती संभाजीराजे बहुद्देशीय संस्था नाशिकच्या वतीने दरवर्षी सन्मान केला जातो, या वर्षीचा राज्यस्तरीय शिवपुत्र महाराष्ट्र गौरव पुरस्कार २०२१-२२ कोपरगावचे तहसीलदार विजय बोरुडे यांना नुकताच नाशिक येथे विविध क्षेत्रातील मान्यवरांच्या उपस्थितीत प्रदान करण्यात आला आहे.तहसीलदार विजय बोरुडे यांनी मागील वर्षी तहसील कार्यालयाचा कार्यभार सांभाळला त्यानंतर त्यांनी अनेक जनहिताचे उपक्रम राबवले असून यामध्ये संजय गांधी श्रावणबाळ निराधार योजनेच्या अंतर्गत तालुक्यातील विविध गावात कॅम्प लावून जवळ जवळ अडीच हजार लोकांना याचा लाभ मिळवून दिला आहे, त्याचबरोबर तहसील कार्यालय येथे आलेल्या नागरिकांना कोणत्याही प्रकारची अडचण येऊ नये यासाठी प्रवेशद्वारावरच एक फलक लावण्यात आलेला आहे आणि कोणतेही महत्त्वाचे काम या असल्यास थेट तहसीलदार यांच्याशी संपर्क साधण्यासाठी स्वतःचा भ्रमणध्वनी क्रमांक दिला आहे. अशी अनेक कामे तहसीलदार बोरुडे यांनी केले आहे. जनसेवेसाठी सदैव तत्पर असलेल्या तहसीलदार विजय बोरुडे यांच्या कार्याचा गौरव व्हावा यासाठी शिवपुत्र संभाजीराजे बहुद्देशीय संस्थेच्या वतीने तहसीलदार बोरुडे यांना राज्यस्तरीय पुरस्कार देऊन सन्मानित करण्यात आले आहे.
