कोपरगाव प्रतिनिधी
कोपरगाव मतदार संघातील अनेक गावातील तरुणांची व्यायाम शाळा साहित्याची मागणी होती त्याबाबत शासन दरबारी दाखल केलेल्या प्रस्तावाची दखल घेऊन जिल्हा नियोजन समितीने मतदार संघातील २० गावांना फिजिकल फिटनेस रिक्रिएशन इक्विपमेंटसाठी १.९५ कोटी निधी व २६ गावांसाठी प्रत्येकी सात लाख रुपये याप्रमाणे १ कोटी ८२ लाख व्यायामशाळा साहित्यासाठी असा एकूण ३.७७ कोटी निधीमंजूर झाला असल्याची माहिती श्री.साईबाबा संस्थानच्या विश्वस्त मंडळाचे अध्यक्ष ना.आशुतोष काळे यांनी दिली आहे.
आज कालच्या धकाधकीच्या जीवनात निरोगी राहण्यासाठी व्यायाम अत्यंत महत्वाचा आहे. व्यायाम न केल्यामुळे शारीरिक क्षमता व सहनशक्ती कमी होते. स्नायूंची शक्ती वाढवणे हे व्यायामाचे एक उद्दिष्ट असून त्याचबरोबर तरुणाईला पोलीस सेवेत तसेच सैन्यात भरती होण्यासाठी देखील व्यायाम महत्वाचा आहे. त्यासाठी व्यायाम साहित्य देखील तेवढेच महत्वाचे आहे शहर तसेच काही मोजक्याच मोठ्या लोकसंख्येच्या गावांमध्ये जिम सारख्या अद्यावत सुविधा तरुणाईला मिळत आहे परंतु त्यासाठी आर्थिक झळ देखील सोसावी लागते. त्यामुळे अनेक गावातील तरुणांना त्यांच्याच गावात व्यायामासाठी सोयीसुविधा उपलब्ध व्हाव्यात यासाठी व्यायाम शाळा साहित्यासाठी निधी मिळावा यासाठी पाठपुरावा सुरु होता. त्या पाठपुराव्याची महाविकास आघाडी सरकारने दखल घेऊन जिल्हा नियोजन समितीने मतदार संघातील २० गावांना व्यायाम शाळा साहित्यासाठी १.९५ कोटी निधी दिला आहे.
यामध्ये कोपरगाव मतदार संघातील ओगदी, कुंभारी, कोकमठाण, चांदगव्हाण, डाऊच बु.,तळेगाव मळे, दहेगाव बोलका, देर्डे कोऱ्हाळे, नाटेगाव, बक्तरपूर, भोजडे, मढी खु., मनेगाव, मायगाव देवी, रवंदे, वारी, शिरसगाव, सांगवी भुसार, सुरेगाव, हिंगणी या २० गावांना प्रत्येकी ९.७५ लाख या प्रमाणे फिजिकल फिटनेस रिक्रिएशन इक्विपमेंटसाठी १.९५ कोटी दिला आहे.
तसेच गोधेगाव, दहिगाव बोलका, खोपडी, कासली, वडगाव, ओगदी, नाटेगाव, आंचलगाव, धोत्रे, कोळगाव थडी, मढी बु., कुंभारी, मायगाव देवी, ब्राम्हणगाव, माहेगाव देशमुख, मंजूर, कान्हेगाव, सडे, उक्कडगाव, शिंगणापूर, खिर्डी गणेश, मुर्शतपूर, कोळपेवाडी, सुरेगाव, सांगवी भुसार, कोकमठाण या गावांना व्यायाम शाळा साहित्य खरेदीसाठी प्रत्येकी ७ लाख याप्रमाणे १ कोटी ८२ लाख रुपये निधीला प्रशासकीय मंजुरी देण्यात आली आहे. असा एकूण ३.७७ कोटी निधी मंजूर झाला असून उर्वरित गावासाठी देखील व्यायाम शाळा साहित्यासाठी निधी मिळावा यासाठी प्रयत्नशील असून लवकरच निधी दिला जाईल असे ना.आशुतोष काळे यांनी म्हंटले आहे.
